PSALMS 50 - Ottawa New Testament Penteteuch and Psalms 1874

¹ Owh mashkahwezid Kesha‐Muhnedoo, owh Jehovah kekedoo: ookuhnoodaun uhkee, wanje‐mookesad kezis nahnauzh apungishemook.

² Zioning kepeöonjenahgooze Kesha‐Muhnedoo: mahyahmahwe‐pezhegandahgoozid.

³ Tahpetuhgwishin ke‐Kesha‐Muhnedoomenaun kah dush tahpezaunuhbese: anebemoosad tahnegahnemahgud chuhyahgezooishkoota, kuhya oogahkewetaushkahgoon keche‐noodin.

⁴ Ishpeming oogahoonjekuhnoodaunun enewh-kezhigoon: kuhya uhkee chetebahkoonaud enewh oodahnishenahbamun.

⁵ Mahwunzoomik egewh anuhmeätuhwejig oomah anduhzhe ahyahyaun: egewh kahwahweenduhmah wejig sahsahgewejegawaud.

⁶ Oogahenahjemegoon kezhikoon azhequuhyukwahdezid: ween mah Kesha‐Muhnedoo tebahkoonega.

⁷ Bezinduhweshig nindahnishenahbadoog, newekekid suh: neen ween kegahbahtahmin, O Israel; neen mah ne‐Kesha‐Muhnedow, ke‐Kesha‐Muhnedoomewah nindow.

⁸ Kahween kegahnuhneebekemissenoon oonje kesahsahgewejegunun, kahween kuhya oonje chahgezega puggedenegawinun: kah mah kahgenig anahsuhmeyaun keähtamahgussenoon.

⁹ Kahween ningahoodahpenahse pezheke oonje kewegewauming: kah kuhya ahyahba‐mesahbooz oonje kemahnishtahnishe‐weguhmigoong.

¹⁰ Neen mah nindebanemaug kuhkenuh ahwaseeyug metigwuhkeeng ayahjig: kuhya dush kuhkenuh ahwahkahnug abetungig metauswauk wahjewun.

¹¹ Nekekanemaug kuhkenuh egewh pabahmesajig emuh wahjewing: kuhya nedebanemaug egewh ahwaseeyug emuh mushkootang.

¹² Kishpin puhkuddayaunbaun kahween kedahgeweenduhmoosenoon: neen mah nindebandaun uhkee, kuhya kuhkenuh uhyeëen emuh atagin.

¹³ Kedenandum enuh chewemeejeyaun pezhekeweyaus? gamuh chewemenequayaun meezahboonzoog oomisqueemewah?

¹⁴ Puhgedenuhmahwik Kesha‐Muhnedoo ewh mahmooyahwawin: kuhya tebahahmahwik owh mahyahmahwe‐ishpandahgoozid enewh kahwahweenduhmoowagoon.

¹⁵ Nuhnaunduhmooweshin uhpe ahyahnemezeyunin, kegahbemahjeïn: kegahwahwezhanim edush.

¹⁶ Kesha‐Muhnedoo oo‐oo oodenaun enewh maje‐ezhewabezenejin: Ahnishwin keen dabahdoodahmuh nindenahkoonegawinun, gamuh chewahweenduhmun newahweendahmahgawin.

¹⁷ Ahnahween goo sheenganduhmun kekenooähmahgoowin: kuhya wabenuhmun nindekedoowinun kepequunaung anuhkukkayah.

¹⁸ Uhpe kahwahbuhmud kamoodishkid, kegenuhquatuhmoowah: kuhya kegeweedookahwah owh pazhigwahdezid enene.

¹⁹ Kepuggedenaun kedoon chemujje‐kekedoomahguk: kuhya kedanuhnewh ahnookeemahgud chewuhyazhingamahguk.

²⁰ Kenuhmuhdub mujje‐duhzhemud kekahnis: kuhya kekuhkenuhwishke‐bahtahmah enewh keguh wagwissejin.

²¹ Oo‐oo kegeëzhechega kah dush ningekekedoose; kegeënanim cheëzhewabezeyaun debishkoo keen azhewabezeyun: kegahnuhneebikemin suh, kuhya wawane kegahwahbundahin enewh kemujje‐ezhechegawinun.

²² Benuh nahnahgahdahwanduhmoog oo‐oo kenuhwah wananemag Kesha‐Muhnedoo: koonemah kedahgenahnahnegooshkoonenim, kah dush ahweyah kegahbemahjeëgoosewah.

²³ Ahwagwan mahyahmooyahwagwan nepezhegandahgooïk: kuhya ningahwahbundahah owh quayukissetood oodezhewabezewin, Kesha‐Muhnedoo oobemahjeëwawin.