PSALMS 49 - Ottawa New Testament Penteteuch and Psalms 1874

¹ Noonduhmook oo‐oo, kuhkenuh ahnishnahbadoog, bezinduhmook kuhkenuh kenuhwah anduhnuhkeeyag oomah uhkeeng.

² Mahmahwe egewh ashpandahgoozejig kuhya tabussandahgoosejig, kachetwahwezejig kuhya katemahgezejig tahbezinduhmoog.

³ Ningahdebahdoodaun nebwahkahwin kuhya ningahnahnahgahdahwandaun nesittootummowin.

⁴ Ningahbezindaun ewh ahwajegun: kuhya ningahwahbundahewan nindahgootahgoozewin emuh mahtwawajeguning.

⁵ Wagoonash kaoonjesagezeyaun uhpe buhyahteënuk mujje‐ezhewabezewin; uhpe kawetaushkahgooyaun oomujje‐ezhewabezewinewaun egewh akahmahwejig?

⁶ Egewh apanemoojig ootebenewawezewinewaun kuhya mamekwahzoojig oonje kechetwahwezewaud.

⁷ Kahween ahweyah oogahbemahjeähseen enewh wekahnesun: kah kuhya oogahtatebahahmahwahseen Kesha‐Muhnedoon menik apeetandahgwuk chebemahjeëmind enewh wekahnesun.

⁸ (Keche‐ahpeetandahgwud mah oobemahjeëgoowinewaun enewh oojechaugoowaun kuhya kahgenig tahishquahsamahgud.)

⁹ Kayahba chekahgega‐bemahdezenid: chewahbundesenig dush nishwahnahdezewin.

¹⁰ Oowahbuhmaun mah nabwahkahnejin cheneboonid kuhya kakebahdezejig kuhya kakanjegasegoog tahbahnahdezewug kuhya oogahnuhgudduhmoowahwaun ootebenuhwawezewinewaun enewh bakahnezenejin.

¹¹ Peenjenah enanduhmoog kahgenig cheduhgoomahgudenig oowegewaumewaun, kuhya oodahbewinewaun menik kaähneka‐bemahdezing: wenuhwah azhenekahzoowaud oodezhenekahdhnahwah-ooduhkeemewaun.

¹² Pooch‐enunga kahgega‐bemahdeze owh kachetwahwezid enene; tahbahnahdeze suh debishkoo ahwaseeyug: mesuh azhebahnahdezewaud.

¹³ Kuhkebahdangwudene oodezhewabezewinewaun: oonejahnesewaun oominwandahnahwah oodekedoowinewaun.

¹⁴ Debishkoo mahnishtahnishug tahahsahwug emuh chebaguhmigoong: oodahmoogoowaun neboowin, kekezhab dush oogahoogemahkundahgoowaun enewh manoo‐ezhewabeznejin: tahbahnahdudene oominwahbuhmenahgoozewinewaun emuh chebaguhmigoong uhpe kasahgejewenindwah oonje oowegewaumewaun.

¹⁵ Ningahsahgejewenik owh Kesha‐Muhnedoo oonje chebaguhmigoong: ningahoodahpenik mah.

¹⁶ Kagoo keen sagezekan uphe kachetwahweïndjin ahweyah uhpe ashkum pazhigandahgwuhjegahdanig oowegewaum.

¹⁷ Uhpe mah nabood kahween oogahmahjetooseen gagoo: kahween oogahnoopenuhnegooseen oopezhegandahgoozewin.

¹⁸ Kahbemahdezid, neshahwandahgooz keënanindezoo: kegahwahwezhanemegoog enenewug uhpe manoo‐dooduhmun tebenuhwa keyow.

¹⁹ Oogahnoopenuhnaun enewh oosewahpuneen: kahwekah oogahwahbunduhsenahwah wahsayahzewin.

²⁰ Owh kachetwahwezid enene kishpin nesittotunsig gagoo, ezheähyah debishkoo ahwaseeyug ahyahpeche‐bahnahdezejig.