PSALMS 48 - Ottawa New Testament Penteteuch and Psalms 1874

¹ Keche‐ahpeetandahgooze suh Kesha‐Muhnedoo: kuhya tahkeche‐wahwezhanemah emuh ookeche‐oodanahwing keKesha‐Muhnedoomenaun emuh ookechetwah‐wahjewing.

² Kagate keche‐minwahbuhmenahgwud Zion aduhming wahjewh, mesuh wanjemoojegezewaud kuhkenuh oomah uhkeeng ayahjug: kewadinoong anuhkuhkayah duhgoomahgud keche‐oogemah oodoodanow.

³ Kekandahgooze Kesha‐Muhnedoo ewede duhzhe oogemah‐weguhmigoong: chebemahjeäud enewh pahnaunzekahgoojin.

⁴ Benuh kemahoonjeëdewug keche‐oogemaug kuhya kekuhbekoosawug.

⁵ Oogewahbundahnahwah mesuh kahoonjemah-mahkahdanduhmoowaud: kemegooshkahjeähwug, kuhya waweeb kemahjahwug.

⁶ Kekeche‐sagezewug kuhya kekushkanduhmoog debiskoo equa nahgeähwuhzood.

⁷ Kepegoobetoonun Tarshish duhzhe nahbequaunun ewh wahbune‐noodin.

⁸ Debishkoo kahezhenoodahgayaung mesuh kahezhewahbunjegayaung emuh oodoodanuhwing owh Jehovah tabanemaud waquenoonejin emuh oodoodanuhwing keKesha‐Muhnedoomenaun: Kesha‐Muhnedoo oogahuhyeejesittoon kahgenig.

⁹ Ningenahnahgah dahwandahmin keshahwanjegawin O Kesha‐Muhnedoo emuh nasahwuhyeëewung kekecheahnuhmeäweguhmig.

¹⁰ Debishkoo anandahgwuk kedezhenekahzoowin O Kesha‐Muhnedoo mesuh azheähyahmahguk kewahwezhanemegoowin anegookookummegaug uhkee; kekeche‐neenj mooshkenamahgud menoo‐ezhewabezewin.

¹¹ Mahnoo tahmoojegezemahgud Zion wahjew tahminwanegwaguduhmoon Judah oodahnesun oonje ketebahkoonegawinun.

¹² Kewetoosag emuh anduhgoog Zion: kewetuhyeëeng ezhaug: ahginduhmoog oowahkahegunun.

¹³ Nahnahgahdahwahbunduhmoog swaungungin oowahkahegunun: nahnahgahwanduhmoog oodoogemah‐weguhmigoon chewahweenduhmoowagwah egewh kaähneka‐bemahdezejig.

¹⁴ Wahowh mah Kesha‐Muhnedoo keKesha‐Muhnedoomenaun ahwe kahgenig uhpena kahgenig: kegahsuhgahbegenenoonaun nahnauzh ishquah‐bemahdezeyung.