PSALMS 47 - Ottawa New Testament Penteteuch and Psalms 1874

¹ O puhpuhseneenjeedezook kuhkenuh kenuhwah, ahnishenahbawedoog: O nuhguhmootuhwik Kesha‐Muhnedoo ewh manootahgwuk nuhguhmoowin.

² Keche‐ishpandahgooze kuhya kootahmegooze Jehovah ookeche‐oogemahkundaun anegookumme gang uhkee.

³ Oogahmahmauzheäun enewh ahnishenahban mahgahnungoog kuhya kegahkushketuhmahgoonaun chetuhtahkookahnungwah.

⁴ Ween oogahwuhwanahbundaun ewh uhkee ka duhkeemeyung: ewh wanesheshinenig ooduhkee mun owh Jacob enewh Kesha‐Muhnedoo suhyahgeähjin.

⁵ Ishpeming keëzhah Kesha‐Muhnedoo magwah suhsahquang: owh Jehovah magwah noondahgwuk keche‐pootahjegun.

⁶ O nuhguhmootahwik nuhguhmootuhwik keKesha‐Muhnedoomenaun: nuhguhmootuhwik, nuhguhmootahwik kekeche‐oogemahmenaun.

⁷ Kesha‐Muhnedoo mah ookeche‐oogemahkundaun kuhkenuh anegookookummegaug uhkee, nuhguhmootuhwik mahmahwe nesittootuhmoog.

⁸ Kesha‐Muhnedoo oodoogemahkundahwaun enewh anuhmeähsenegoon: Kesha‐Muhnedoo nuhmuhduhbeemuh ookechetwah‐wuhbewining.

⁹ Mahoonjeëdewug ahnishenahbag oodoogemahmewaun oodahnishenahbamun owh Abraham ooKesha‐Muhnedoomun. Kesha‐Muhnedoo oodebandaun enewh pahkahquahaunun oomuh uhkeeng atagin: kagate ween keche‐ishpandahgooze.