PSALMS 46 - Ottawa New Testament Penteteuch and Psalms 1874

¹ Kesha‐Muhnedoo ahwe kedahpanemoowinenaun kuhya kemushkahwezewinenaun: mesuh owh waweeb wahdookoonung uhpe ahyah nemezeyungoon.

² Mesuh kaoönjesagezesewung ahnahween goo mahmahjemahguk uhkee: ahnahween goo pahkoobewabenegahdag enewh wahjewun emuh nahwuhgaum kechegummeeng.

³ Ahnahween goo oombwauskaug kuhya keche‐maungaushkaug; ahnahween goo ningishkahmahguk wahjewun oonje keche‐nooting emuh kechegumming.

⁴ Pemejewun pazhig seebe wanje‐moojegezing emuh ookeche‐oodanahwing Kesha‐Muhnedoo: ewh kechetwah‐weguhmig emuh oowegewauming owh mahyahmahwe‐ishpandahgoozid.

⁵ Kesha‐Muhnedoo duhneze emuh nahwuhyeëng mesuh kaöonjemahmahjegahdasenook: oogahweedookahgoon Kesha‐Muhnedoon, aahe waweeb oogahweedookahgoon.

⁶ Egewh anuhmeäsegoog kemuhtwa‐nishkahdezewug, nuhningishkahmahgudoon enewh oogemahwewinun: kenoondahgooze Kesha‐Muhnedoo medush keningetag uhkee.

⁷ Keweejewegoonaun owh Jehovah dabanemaud waqueenoonejin: kebemahjeëgoonaun Jacob ooKesha‐Muhnedoomun.

⁸ O pewahbunduhmook oodahnookeewinun owh Jehovah kahezhebahnahjechegad oomah uhkeeng.

⁹ Ween enahkoonega cheïshquah‐megahding anegookookummegaug uhkee oopegoobetoon metikwahbeen kuhya ookishkeboodoon shemahgun kuhya oochahgezaun ootahbaun emuh ishkootang.

¹⁰ Pezaunuhbik kuhya kekanduhmook cheKesha‐Muhnedooweyaun: neen ningahkechetwahwanemegoo emuh anduhnuhkeewand egewh anuhmeähsegoog, ningahkechetwahwanemegoo oomuh uhkeeng.

¹¹ Keweejewegoonaun owh Jehovah dabanemaud waqueenoonejin: kebemahjeëgoonaun Jacob ooKesha‐Muhnedoomun.