PSALMS 45 - Ottawa New Testament Penteteuch and Psalms 1874

¹ Nindaïng oonjeemahgud ewh wanesheshing ekedoowin: ninduhzhindaunun enewh uhyeëen kahoozhetuhmahwug owh Keche‐oogemah.

² Nindanuhnewh enandahgwud debishkoo oodoozhebeëgunahtik; owh natuh‐oozhebeëgad.

³ Nahwuj keminwahbuhmenahgooz dush ween oonejahnesewaun enenewug: shahwanjegawin mooshkenamahgud emuh kedooning: mesuh wanje‐shahwanemik Kesha‐Muhnedoo kahgenig.

⁴ Tahkoobetoon kedahzhahwashkoom emuh kebwauming O Mahyahmahwe mushkahwezeyun oonje kechetwahwandahgoozeyun kuhya keche‐oogemahwandahgoozeyun.

⁵ Keche‐oogemahwandahgoozeyun kegahoonje‐menoobahbahmebuhegoo oonje dabwawin, bakahdezewin kuhya quuhyukwahdezewin: kekeche‐neenj edush kegahkekenooahmahgoon gwatahmegwukkin.

⁶ Keenahmahgudoon kekeenwaukwun emuh oodaëwaung egewh mahgahnahjig keche oogemaun: mesuh wanje‐pungeshinoowaud egewh ahnishenahbag mahgahnudjig.

⁷ Kahgenig tahduhgoomahgud kedoogemahwuhbewin O Kesha‐Muhnedoo: kedoogemah‐suhkuhoon quuhyuk‐oogemah‐suhkuhoon ahwun.

⁸ Kesahgetoon quuhyukezhewabezewin kuhya kegesheengandaun mujje‐ezhewabezewin mesuh dush Kesha‐Muhnedoo keKesha‐Muhnedoom kahoonjenoomenik nahwuj nebewah moojegezewine noomenegun dush ween keejekewayug.

⁹ Kuhkenuh kedahgwewinun menoo‐mahgoojeguning ezhemahgwudoon: oonje quuhnauj keche‐oogemahweguhmigooing, kahoonjebahpenanemooëgooyag.

¹⁰ Kegebuhmeetahgoog oogemaug oodahnesewaun: emuh kekechenikaung kenebahwe Keche‐oogemahqua agwid oozahwah‐zhooneyaun Ophiring kahoondenegahdanig.

¹¹ Bezindun O wadahnesemegooyun kuhya nahnahgahdahwandun, nahwataun chemenoo‐noonduhmun: wuhnanim kuhya keejahnishenahbag kuhya koos andaud ayahjig.

¹² Mesuh Keche‐oogemah kaöonje keche‐minwandung keminwahbuhmenahgoozewin: mesuh owh Jehovah keKesha‐Muhnedoom ahyahwid, mesuh owh kaähnuhmeätuhwud.

¹³ Owh dush wadahnesemind emuh Tyreing oogahpeetoon meegewawin: Kuhya kachetwahwezejig ahnishenahbag kegahahnuhmeätahgoowah cheshahwanemudwah.

¹⁴ Keche‐oogemah oodahnesun kechepezhegandahgoozewun peenjenah: oozahwah‐shooneyahwnene oodahgwewinun.

¹⁵ Tahpeenah emuh anahsuhmid keche‐oogemah ahgwid manoo‐kaushkegwahdag ahgwewin: oogahweejewegoon enewh ookegaungooquamun wahdookahgoojin kegahpeetahgoo dush.

¹⁶ Emuh bahpenandunmoowining kuhya moojegezewining tahezhepeenahwug: tahpeendegawug emuh keche‐oogemah oowegewauming.

¹⁷ Kenuhguhnudwah koosug kegahoonjeähyahwaug kegwisug: kaöogemahweüdjig emuh kuhkenuh uhkeeng.

¹⁸ Ningahenahkoonega chemequanjegahdag kedezhekahzoowin kahgenig menik kabemahdezing oomah uhkeeng: mesuh kaöonjemahmooyahwahmikwah egewh ahnishenahbag kahgenig kuhya kahgenig.