PSALMS 44 - Ottawa New Testament Penteteuch and Psalms 1874

¹ Ningenoondahmin netuhwuggahnaunin O Kesha‐Muhnedoo ningewahweendahmahgoonahnig noosenahbuneeg: kuhyet kahezhechegayun.

² Kegesahgejewabenaug egewh anuhmeähsegoog keneenj ayooyun, cheduhnühkeeüdwah; kebahnahjeüdwah egewh mahyug‐ahuishenahbag kuhya kesahgejewabenudwah.

³ Kah mahween oonje tebenuhwa oodahzhahwashkoomewaun oogeöodahpenunsenahwah ewh uhkee: kah dush oogeweedookahgoosenahwah tebenuhwa oonikahwaun.

⁴ Keen suh kekechenik kuhya oonje wahsayingwayun keshahwanemudwah.

⁵ Keen suh Kesha‐Muhnedoo nindoogemaum kedow: weedookow Jacob.

⁶ Keen wedookahweyaung ningahoonjemahmauzheähnahnig mahgahzheyungejig: emuh dush kedezhenekahzoowining ningahtuhkookahnahnig egewh shaunganemeyungejig.

⁷ Kahween ningahahpanemooseen nemetikwaubim, kah dush nindahzhahwashkoom ahwunsenoon kabemahjeëgooyaun.

⁸ Keen atuh kebemahjeëyaung oonje egewh mahgahzheyungejig kuhya kegahahgujjeäug egewh shaunganemeyungejig.

⁹ Nemuhmequahzoomin oonje Kesha‐Muhnedookuhpa kezhik: kuhya ningahwahwezhanduhmin kedezhenekahzoowin kahgenig.

¹⁰ Kegeëkoowabenim kuhya kegeähgujjeïm: kah dush kayahba keweedookahwahseeg neshemahgunisheminenahnig.

¹¹ Kedoozhemooïim anahsuhmewaud egewh mahgahzheyungejig: ninduhyeemenahnin ningahmuhkummegoonahnig egewh shaunganemeyungejig.

¹² Kegepuggedenim cheähmoogooyaung debishko azheähmoondwah egewh mahnishtahnishug: kuhya kegesuhswashkahwim emuh anduhnuhkeewaud anuhmeähsegoog.

¹³ Wanepuzh kedahtahwanug kedahnishenahbamug: kah dush kedoodahpenahse shooneyah kahahtahwayun.

¹⁴ Kepuggedenim chenuhneebikemeyummingidwah egewh neejduhnuhkeewamahgunenahnig: chekaunjbahpeyungidwah kuhya chebahpenoodahweyungidwah egewh kewetuhyeëe anduhnuhkeejig.

¹⁵ Kepuggedenim cheneshebahpenoodahweyungidwah egewh anuhmeähsegoog: kuhya chewawabequanewaud mayug‐ahnishenahbag uhpe wuhyahbuhmeyungidwahnin.

¹⁶ Uhpena newahbundaun gagoo kaöonjeähgujjeyaun: kuhya kahgenig nemisquingwasa.

¹⁷ Oonje kuhnoozhewaud egewh maje‐duhzhingashejig kuhya maje‐kezhwajig: egewh shaunganjegashkejig kuhya egewh ahyahzhedahwahewajig.

¹⁸ Kuhkenuh oonoo ningedungishkahgoonahnin; kah dush kegewuhnanemegoose kah dush ningekuhkenuhwishkesemin kahwahweendahmahdeyung.

¹⁹ Kahween keähzhasamahgussenoon nindaënaun: kah kuhya ningeähzhasasemin emuh kemeekunaung.

²⁰ Ahnahween goo kekechebegooneyaung emuh akoo mujje‐kenabegookaug; kuhya enahkoonegayun cheähgahwahtashkahgooyaung neboowin.

²¹ Kishpin kahwuhnanduhmoowungan oodezhenekahzoowin owh keKesha‐Muhnedoomenaun gamuh kishpin kahahnuhmeätuhwungan bakahnezid muhnedoo: kahnuh ween Kesha‐Muhnedoo oogahmeekunseen: ween mah ookekandaunun enewh keemoodezewinun emuh kedaënahning.

²² Aahe, oonje keen nenesegoonahnig kuhpa kezhik debishkoo mahnishtahnishug wahnesindjig ninduhyenanemegoonahnig.

²³ Umba oonishkaun oh Jehovah ahneeshwin nebahyun: oonishkaun kagoo dush kahgenig wabeneshekaunkan.

²⁴ Wagoonash wanjekahdoomun kishkinzhegoon: wuhnanduhmun dush nindahnemezewinenaun kuhya nemujjedoodahgoowinenaun.

²⁵ Ninjechaugoonaun mah ezhenahwatah emuh wewuggussang: metushkuhkummig dush neshinge-shinoomin.

²⁶ Puhsegween, weedookahweshenaum: kuhya bemahjeëshenaum oonje keshahwanjegawinun.