PSALMS 42 - Ottawa New Testament Penteteuch and Psalms 1874

¹ Debishkoo owh wahwaushkash azhenunduhwandung seebewesha: mesuh ninjechaug azhenunduhwanemik, O Kesha‐Muhnedoo.

² Ninjechaug ookishkahbahgwanoodahwaun Kesha‐Muhnedoon, bamahdezenejin Kesha‐Muhnedoon: ahneen uhpe kapenahgoozeyaun emuh anahsuhmid Kesha‐Muhnedoo?

³ Sebingwaöon atuh kahmenequayaun kahzhagukkin kuhya tabekukkin: magwah oo‐oo ezhewaud kuhpa kezhik, Ahneende keKesha‐Muhnedoom?

⁴ Uhpe maquanduhmaunin oonoo neseegwabenah ninjechaug peenjenah neyowing: ningeühneweejewahbuneeg mah egewh waqueenoojig, ningeühneweejewaug egewh azhahjig ewede Kesha‐Muhnedoo oowegewahming.

⁵ Emuh moojegezetahgoozewining kuhya mahnooyahwawining: ningeweedookahwaug egewh anuhmeähjig anuhmeä‐kezhegudenig.

⁶ Wagoonash wanje‐kushkanduhmun, O ninjechaug: wagoonash wanje‐megooshkahdanduhmun peenjenah neyowing?

⁷ Ahpanim Kesha‐Muhnedoo: gaguhpe mah mingahmahmooyahwahmah oonje keweedookahwid guhnuhwahbuhmid.

⁸ O ne‐Kesha‐Muhnedoom, nekushkandum peenjenah ninjechaugoong: mesuh kaöonjemequanemenaun oonje Jordaning duhzhe uhkeeng, kuhya Hermon azhenekahdag wahjewun kuhya Mitzar wahjewansing.

⁹ Kecheseebeen kuhnoonindemahgudoon oonje muhtwa‐keche‐kemewung: nepesegahoogoog kuhkenuh ketegoowug.

¹⁰ Kahzhegukkin Jehovah oogemeegewan ooshahwanjegawin: tabekukkin dush ningenuhguhmootuhwah kuhya ningeähnuhmeätuhwah owh Kesha‐Muhnedoo dabandung nebemahdezewin.

¹¹ Ahnishwin kewuhnanemeyun? ningahenah owh Kesha‐Muhnedoo mahgewad nemushkahwezewin: ahnishwin pahbahahnemezeyaun oonje mujje‐doodahwid owh shaunganjegad.

¹² Magwah bahjeboowewaud egewh shaunganemejig ahzhahwashkoon nenuhneebekimegoog: oo‐oo ezhewaud anduhsoo kezhegudenig, Ahneende keKesha‐Muhnedoom?

¹³ Ahneeshwin kushkanduhmun O ninjechaug? ahnishwin dush megooshkahdanduhmun peenjenuh neyowing?

¹⁴ O ahpanim Kesha‐Muhnedoo; ahbetakummig mah ningahmahmooyahwahmah oonje weedookahwid neKesha‐Muhnedoom.