PSALMS 41 - Ottawa New Testament Penteteuch and Psalms 1874

¹ Shahwandahgooze suh owh nuhyahgahdahwanemaud enewh katemahgezenejin: oogahbemahjeëgoon Jehovahun uhpe ahyahnemezejin.

² Jehovah oogahguhnewanemaun enewh, kuhya oogahbemahjeäun; tahshahwandahgooze suh oomah uhkeeng: kegahguhnuhwanemah dush cheshahgoojeëgoosig enewh shaunganemegoojin.

³ Oogahmenoo‐daäshkahgoon Jehovahun uhpe shangeshingin emuh nebahguning ahkoozid: kegahoozhetoomahwah kaähpeshemood uhpe ayahkoozejin.

⁴ Ningeëkid, Jehovah, shahwanemeshin: noojemoöw ninjechaug, kegemujje‐doodoon mah.

⁵ Nemujje‐duhzhemegoog egewh shaunganemejig: Ahneen uhpe kanebood, kuhya kebahnahdudenig oodezhenekahzoowin?

⁶ Kishpin mahwuddesid, kuhkebahje‐kezhwa: kuhya oonahnahgaddahwandaun kuhkenuhwishkewin emuh oodaïng, uhpe dush kahsahguhung oowahweendaun suh.

⁷ Kuhkenuh egewh shaunganemejig kaushkuh-nahzootahdewug wemujje‐doodahwewaud: neen suh wanje‐nahnahgahdahwanduhmoowaud maunduh mujje‐uhyeëewish.

⁸ Mahnoo tahnahneboomah, nindegoog: noongoom uhpe shangeshing kahween menuhwah tahpuhsegwese.

⁹ Aahe, ningedungishkaug owh neejekewa kahsahgeüg apanemooyaunbaun: owh kahaumwaud nebuhquazhegunim.

¹⁰ Keen dush ween, O Jehovah, shahwanemeshin: kuhya oombeneshin chetebahahmahwugwah.

¹¹ Mesuh wanje‐kekanduhmaun shahwanemeyun: ewh mahmauzheësig owh shaunganemid.

¹² Neen dush keguhnuhwanim azhemenoo‐ezhewabezeyaun: kuhya kahgenig keguhnuhwahbum.

¹³ Tahmahmooyahwahmah Jehovah oo‐Kesha‐Muhnedoomun owh Israel: kahgenig kuhya kahgenig. Amen kuhya Amen.