PSALMS 40 - Ottawa New Testament Penteteuch and Psalms 1874

¹ Kenooazh ningebeeäh Jehovah: oogebezindaun dush nindahnuhmeätuhgoozewin.

² Ningeöombenik dush ween oonje kagwahnesuggandahgwuk wahnekauning akoowenejishkahwuhgaug: kuhya oogeminjemoosittoonun netuhkookeewinun emuh oogidahbik, kuhya oogeühyeenjesittoonun nindezhahwinun.

³ Ooshkee‐nuhguhmoowin ningekekenooähmaug: chenuhguhmootahwug Kekesha‐Muhnedoomenaun.

⁴ Nebewah bamahdezejig oogahwahbundahuahwah tahsagezewug edush: medush kaöonjeähpane-mahwaud Jehovahun.

⁵ Shahwandahgooze suh owh enene apanemaud Jehovahun: bahmanemahsig edush enewh mamenahdezenejin, kuhya enewh natuh‐kuhkenuhwishkenejin.

⁶ O Jehovah neKesha‐Muhnedoom, bahtuheënudoon kemahmaundahwejegunun kahmahmaunduhwejegayunin, kuhya kenahnahgahdahwanduhmoowinun azhenahnahgahdahwanemeyaung: kahween ahweyah oodahkushketooseenun chetaähgindung.

⁷ Kishpin enanduhmaunbaun chewahweenduhmaun, kuhya chedebahdooduhmaun oonzaum bahtuheënudoon kahween tahtaähginjegahdasenoon.

⁸ Sahsahgewejegawin kuhya puggejegawinun kahween kegenundahwanduhsenun kegepahgahkoonuhmow netuhwuggoon.

⁹ Chahgizega‐puggedenegawinun kuhya sahsahgewejegawinun oonje mujje‐ezhewabezewin kahween kegeminwanduhsenun: me dush oo‐oo keëkedooyaun, Benuh netuhgwishin.

¹⁰ Emuh keche‐muzzeneëguning oozhebeëgahda debahjemegooyaun chekezheetooyaun ewh nanduhwanduhmun keen, O neKesha‐Muhnedoom: neminwandum cheëzhechegayaun: aahe, kekuhgequawin duhgoomahgud emuh nindaïng.

¹¹ Ningewahweendaun kemenoo‐ezhewabezewin emuh anduhzhe keche‐mahoonjeëdewaud egewh anuhmeähjig: benuh kahween ningahpoonekekedoose, O Jehovah, mesuh azhekekanemeyun.

¹² Kahween ningekahdooseen kemenoo‐ezhewabezewin emuh nindaïng: ningewahweendaun suh kedabwawin, kuhya kebemahjeëwawin.

¹³ Kahween ningekahdoowahseeg egewh kache-mahoonjeëdejig anuhmeähjig: ewh kesahgeëwawin kuhya kedabwawin.

¹⁴ Kagoo minjemenuhmahweshekan kekeche‐shahwanjegawinun, O Jehovah: mahnoo kahgenig ningahbemahjeëgoon kesahgeëwawin kuhya kedabwawin.

¹⁵ Nekewetaushkahgoon mah nebewah ahnemezewinun; apeech minjemishkahgooyaun nemujje‐ezhewabezewin kahween nekushketoose chetahtuhgahbeyaun: ahwahshema bahtuhyeënudoon dush ween nenississun mesuh wanje‐chahgoodaäyaun.

¹⁶ O Jehovah, mahnoo‐bemahjeëshin: waweeb peweedookahweshin, O Jehovah.

¹⁷ Tahahgujjeähwug egewh nandoonawahjig ninjechaugwun chebahnahjeähwaud: mahnoo tahahzha‐nahzhahwahwug kuhya tahnuhneebikemahwug egewh nanduhwandungig cheähnemezeyaun.

¹⁸ Mahnoo tahpezheshigoowezewug, kuhya tahahgujjewug: Kekuhgwahnesuggandahgooz, kekuhgwahnesuggandahgooz azhejig.

¹⁹ Mahnoo kegahmoojegezetahgoog kuhkenuh egewh nandoonaïkig: egewh dush suhyahgetoojig kebemahjeëwawin moonzhug, Tahmahmooyahwahmah Jehovah, tahekedoowug.

²⁰ Neen dush ween neketemahgiz kuhya newuhwahniz: nemequanemik suh Jehovah.

²¹ Keen suh keweedookow kuhya kebemahjew: kagoo kinooazh oondandekan, O ne‐Kesha‐Muhnedoom.