PSALMS 4 - Ottawa New Testament Penteteuch and Psalms 1874

¹ Bezinduhweshin uhpe kanooninnaunin O Kesha Muhnedoo: keen wanjemenoobemahdezeyaun: kegemenoodaäöw kahketemahgezeyaunbann; shahwanemeshin kahya bezinduhweshin uhpe anuhmeätoonaunin.

² Kenuhwah wanejahsenemenagoog egewh enenewug ahneen menik kapahpenuhduhmag nepezhegandahgoozewin? ahneen menik kaminwanduhmag ewh kuhkebahdezewin kuhya kamekinduhmag ewh kuhkenuhwishkewin?

³ Kekanduhmook owh Kesha Muhnedoo kewawanahbuhmaud enewh manoo‐ezhewabezenejin chedebanemaud enewh: ningahbezindaug owh Jehovah uhpe anuhmeätahwugin.

⁴ Sagezeyook, gagoo dush mujje‐ezhechegakagoon: nahnahgahdahwanduhmoog kedaëwaung emuh kenebahgunewaung, kuhya pezaun‐ahyahyook.

⁵ Meegewag menoo‐ezhewabezewine sahsahgewejegunun kuhya ahpanemik owh Jehovah.

⁶ Oonzaumenoowug oo‐oo akedoojig, ahwanan kawahbunduhenung gagoo wanesheshing? O Jehovah pewahbundaheshenaung azhewahsayaug kishkinzhegoon.

⁷ Kegeähtoon nahwuj nebewah moojegezewin emuh nindaïng dush ween uhpe kebahteënuddenig oomezeminansemewaun kuhya ooshooweminnahboomewaun kuhya oopemetamewaun.

⁸ Emuh pezaunezewining ningahezhekuhweshim wenebahyaun: keen mah atuh, O Jehovah, keguhnuhwanim chenuhneezaunezesewaun.