PSALMS 39 - Ottawa New Testament Penteteuch and Psalms 1874

¹ Ningeekid ningahnahnahgahdahwahbundaunun nemeekunun: chepechenahwaëwasewaun nindanuhnewhing.

² Ningahguhnuhwandaun nindoon tahnuhsug keboodoonabejeguning magwah anahsuhmeyaun ahyahwaud egewh maje‐ezhewabezejig.

³ Ningepoone‐kekid, kah dush menoo‐ekedoowinun ningekekedoosenun: ahpeche ningenuhneenuhwandum kuhya ningemegooshkahdandum.

⁴ Kekeche‐kezhezoomahgud peenjenah ninda, magwah kenahnahgahdahwanduhmaun, kepiskunamahgud ishkoota, gaguhpe dush oo‐oo kahekedooyaun nindanuhnewh keähyooyaun.

⁵ Jehovah kekenooähmahweshin neneboowin kuhya ashenuk nekezhegudoomun: cheöonjequuhyukwanduhmaun uhpe kaïshquah‐bemahdezeyaun.

⁶ Benuh kegeënahkoonega chetahquahbeguk nebemahdezewin, kah dush ningood enandahgwussenoon nebemahdezewin anahsuhmeyun: Kagate suh nuhneepenezewug kuhkenuh enenewug pooch manoo‐ahyahjig.

⁷ Kagate kuhkenuh enenewug bemoosawug emuh ahgahwahtayaug ewh nuhneepenezewin, penezekah dush megooshkahjeëdezoowug: oomahwundoosetoonahwah tebenuhwawezewin kah dush ookekanduhsenahwah ahwagwan kaähyoogwan.

⁸ Jehovah! Wagoonan dush noongoom bahtooyaun: keen suh kedow owh apanemug.

⁹ Wabenuhmahweshin suh kuhkenuh nemujje‐ezhewabezewinun: Kagoo dush puggedeneshekan chemujje‐kuhnoozhewaud egewh kakebahdezejig.

¹⁰ Ningepoone‐kekid, kah dush ningetahwunese: keen mah kahezhechegayun.

¹¹ Ekoonuhmooweshin ewh kekooduggeëwawin: nebahnahjeëgoon gooshah ewh quasegwung keneenj.

¹² Uhpe keen naneebikemud enene mujje‐ezhewabezewin oonje, kebahnahjetahmahwah oominwahbuhmenahgoozewin, debishkoo oogahwase azhebahnahjetood ahgwewin: kagate suh koopuddandahgoozewug enenewug.

¹³ Noonduhmooweshin O Jehovah nindahnuhmeäwin kuhya bezinduhmahweshin nenundoodahmahgawin: kagoo pezaunuhbekan uhpe maweyaunin.

¹⁴ Nemuhyuggiz mah emuh anahsuhmeyun, kuhya wanebik atuh neduhniz oomah uhkeeng debishkoo kuhkenuh neketezemug kahezheähyahwaud.

¹⁵ O puggedenuhmahweshin chenahkoowa‐bemahdezeyaun nayaub cheähyahmaun mushkahwezewin: chepwah mahjahyaun kuhya ishquah‐bemahdezeyaun.