PSALMS 38 - Ottawa New Testament Penteteuch and Psalms 1874

¹ Jehovah kagoo nuhneebikemeshekan emuh kenishkahdezewining: kagoo kuhya kooduggeeshekan emuh kekeche‐nishkahdezewining.

² Nepuhdukkooöogoon mah kekeenwaukwun, kuhya nekeche‐kooduggeëgoon keneenj.

³ Kahween kuhnuhga kuhyundahwezemahgussenoon neyow oonje kenishkahdezewin: kah dush aunwabemahgussenoon nekunun oonje nemujje‐ezhewabezewin.

⁴ Nemujje‐ezhewabezewinun oogij‐nishtequauning ahtanoon oonzaum suh koosegwunoon: debishkoo quasegwung mewunekaun kahween nekushkoondunsenun.

⁵ Nemahkegunahmegoowinun puhgishkunudoon: kuhya mauzhemahgwudoon oonje nekuhkebahdezewin.

⁶ Nemegooshkahjedaä kuhya neketemahgiz: nekeche‐kushkandum kuhpa‐kezhik.

⁷ Nemahnahdahpina netuhtuhgahgoon kahween gagoo kuhyunduhwezewin duhgoomahgussenoon emuh neyowing.

⁸ Nenuhneepeniz kuhya nekechekooduggetoo: ningemussetahgooz oonje megooshkahjedaäyaun.

⁹ Jehovah kekekandaun kuhkenuh nanduhwanduhmaun: kah dush kedoonanduhseen nemahmahdwawin.

¹⁰ Nuhningishkahmahgud ninda, nepwahnuhwetoo newahbewin dush ahzhe kemahjahmahgud.

¹¹ Egewh suhyahgeëjig kuhya neejekewaüg wahsuh nebahwewug oonje mahnahdahpenayaun: kuhya egewh anuhwamuggig wahsuh nebahwewug.

¹² Egewh dush wahneshejig oodahtoonahwah nungwahgunun cheoonjeneshewaud: egewh dush ween shaunganemejig nemujje‐duhzhemegoog, kuhya dush kuhpa kezhik oonahnahgahdahwandahnahwah kaezhewuhyazhemewaud.

¹³ Neen dush ween debishkoo kakeebeshad enene kahween ningenoonduhseen: debishkoo dush natuh‐kekedoosig enene kahween ningetahwunese.

¹⁴ Debishkoo kakeebeshad enene ningeëzhewabiz kah dush nuhneebikingawin ningeähyaunseen emuh nindooning.

¹⁵ Keen mah apanemooyaun, O Jehovah: keen kegahbezindow, O Jehovah ne‐Kesha‐Muhnedoom.

¹⁶ Ningeëkid mah bezinduhweshin, koonemah tahgemoojegezewug egewh mahgahzhejig oonje mahmauzheëwaud: uhpe pakiddashinaun me uhpe kechetwahwanindezoowaud mahgahzhejig.

¹⁷ Gagah zhuhyegwah nechahoosa kuhya moonzhug nemequandaun nekushkanduhmoowin.

¹⁸ Ningahwahweendaun nekuhkebahdezewin kuhya ningahaunwanindiz nemujje‐ezhechegawin.

¹⁹ Oojapezewug suh egewh mahgahzhejig kuhya mushahwezewug: ashkum bahtuhyeïnwug egewh penesekah shaunganemejig.

²⁰ Nesheenganemegoog suh egewh maje‐doodahwahjig enewh manoo‐doodahgoowahjin: oonje mekinduhmaun ewh wanesheshing.

²¹ Kagoo wabeneshekan Jehovah: O ne‐Kesha‐Muhnedoom kagoo wahsuh nuhguhneshekan.

²² Waweeb peweedookahweshin, O Jehovah ne‐Kesha‐Muhnedoom bamahjeëyun.