PSALMS 37 - Ottawa New Testament Penteteuch and Psalms 1874

¹ Kagoo kushkandunkan oonje egewh maje‐ezhewabezejig: kah kuhya kegahkeshahwanemahseeg egewh maje‐ezhechegajig.

² Bahbega mah tahkishkishwahwug debishkoo mushkoosewining: tahneboowug debishkoo naboodag mezhushk.

³ Ahpanim Jehovah, menoo‐ezhechegan dush duhnuhkeen emuh uhkeeng ahbetakummig edush kegahahshummegoo.

⁴ Minwanim Jehovah: kegahmeenegoo dush ewh nanduhwanduhmun.

⁵ Tebe azhahwunan ahnuhmeätow owh Jehovah, kuhya ahpanim: ween dush tahahnookee cheëzhewabuk ewh nanduhwanduhmun.

⁶ Oogahwahbundahewan kemenoo‐ezhewabezewin debishkoo wahsayahzewin: kuhya kequuhyuk‐wahdezewin debishkoo kezhikud nuhyahwuhquag.

⁷ Pezaunuhbin anahsuhmid owh Jehovah, uhpena dush kegahpeäh: kagoo dush kushkandunkan oonje owh mahkindung mujje‐kuhgaundwawinun ahnahween goo menoo‐ahyaud.

⁸ Wabenun nishkahdezewin kagoo dush minjemandunkan nishkahdezewin: kagoo kushkandunkan koonemah kedahgeweekoojeëgoo chemujje‐ezhechegayun.

⁹ Tahwabenegahzoowug egewh maje‐ezhechegajig: egew dush ween wawane pahahjig Jehovahun oogahdebandahnahwah uhkee.

¹⁰ Kayahbe wanebik, ahpechetahnishwuhnahdezewug egewh bameetuhwahsigoog Kesha‐Muhnedoon: kegahnundoonawah kah dush tahahbese.

¹¹ Egewh dush agahsanemoojig oogahdebandahnahwah uhkee: kuhya tahminwanduhmook oonje bahtuhyeënudenig oopezaun‐bemahdezewinewaun.

¹² Owh maje‐ezhewabezid oonahnahgahdahwandaun ewh kadoodahwaud enewh manoo‐ezhewabezenejin; kuhya oonunduhwandaun weäumwaud.

¹³ Owh Jehovah oogahbahpeäun enewh; ookekandaun mah wedebishkoosanig ookezhegudoomun.

¹⁴ Egewh maje‐ezhewabezejig oogekejebetoonahwah oodahzhahwashkoomewaun kuhya oogewahwazhetoonahwah oometikwauboomewaun; weneswabenahwaud enewh katemahgezenejin kuhya enewh manazenejin, wenesahwaud edush enewh quuhyuk azhewabezenejin.

¹⁵ Oogahpuhzhebooöogoonahwah enewh oodahzhahwashkoomewaun emuh oodaëwaung: kuhya oometikwauboomewaun tahpegooshkahnewun.

¹⁶ Nahwuj keche‐ahpeetandahgwudene ootebenuhwawezewin owh manoo ezhewabezid ahnahween goo ahgahsahnig: dush ween ookechetwahwezewin owh maje‐ezhewabezid.

¹⁷ Tahpookoonikaähwug egewh maje‐ezhewabezejig: Jehovah dush ween ooweedookahwaun enewh quuhyuk azhewabezenejin.

¹⁸ Jehovah ookekandaunun ookezhegudoomewaun egewh manoo‐ahnuhmeähjig: kahgenig dush tahduhgoomahgudene ootebandahsoowinewaun.

¹⁹ Kahween tahsagezesewug uhpe nuhyahneezahnezingin: uhpe pakkuddakummegaug tahtabesenewug.

²⁰ Egewh maje‐ezhewabezejig tahbahnahdezewug: egewh dush mahgahnahjig Jehovahun tahchahgahkezoowug debishkoo mahnishtahnisheense pemedang: debishkoo buttang tahezhebahnahdezewug.

²¹ Egewh maje‐ezhewabezejig oodahtaunganahwah gagoo kah dush tebuhegasewug: shahwanjega suh owh manoo‐ezhewabezid, kuhya keshawahdeze.

²² Egewh shawanemegoojig enewh Kesha‐Muhnedoon oogahdebandahnahwah uhkee: egewh dush ween shaunganemegoojig enewh tahwabenegahzoowug.

²³ Jehovah ooquuhyukesittoon oodezhewabezewin owh manoo‐ezhewabezid enene: ween kaöonje‐minwandung oodezhechegawin.

²⁴ Ahnahween pungeshing kahween tahwabenegahzoose: oopemeähsoonegoon mah Jehovah ooneenjeen.

²⁵ Ningeöoshke‐bemahdiz, noongoom dush zhuhyegwah nekekah: kah dush wekah ningewahbuhmahse owh quuhyuk azhewabezid chewabenegahzood gamuh oonejahnesun chepahgoosanjeganid meejim.

²⁶ Uhpena netuh‐shahwanjegawug egewh manoo‐ezhewabezejig kuhya netuh ahweëwawug tahshahwandahgoozewun onejahnesun.

²⁷ Oozhindun ewh muhyahnahduk ezhechegan edush ewh wanesheshing: kahgenig dush kegahdah.

²⁸ Jehovah mah oosahgetoon ewh quuhyuk‐ezhewabezewin: kahween oowabenahseen enewh bameetahgoojin kahgenig tahguhnuhwanemahwug: oonejahnesewaun egewh maje‐ezhewabezejig tahnishwuhnahdezewun.

²⁹ Egewh quuhyuk azhewabezejig oogahdebandahnahwah uhkee: kahgenig dush tahduhnuhkeewug emuh.

³⁰ Owh quuhyuk‐azhewabezid oodoon nebwahkah‐kezhwamahgud kuhya ooduhzhindaun menoo‐tebahkoonegawin oodanuhnewh ahyood.

³¹ Ooguhnuhwandaun Jehovah ootebahkoonega win emuh oodaïng: kahween kuhnuhga tahpukke dashinse.

³² Owh maje‐ezhewabezid oonuhnahguhduhwahbuhmaun manoo‐ezhewabezenejin wenesaud.

³³ Kahween owh Jehovah oogahpuggedenuhmoowahseen enewh: kah dush oogahnahneboomahseen uhpe tabahkoonemind.

³⁴ Ahpanim owh Jehovah kuhya guhnuhwandun oomeekunun, kegahoombenik dush chedebanduhmun uhkee uhpe nashwuhnahdezid owh maje‐ezhewabezid kegahwahbundaun.

³⁵ Neen ningewahbuhmah anuhmeähsig chemushkahwezid: kuhya ashkum chekeche‐mindedood debishkoo keche quuhnauj metikoong.

³⁶ Keïshquah‐ahyah dush benuh kahween keahbese: aahe ningeoondoonawah kah dush kemekuhwahse.

³⁷ Nahnahguhduhwahbum quuhyuk azhewabezid, kuhya guhnuhwahbum owh manoo‐ezhewabezid: emuh pezaunezewining tahezhemahjah owh enene.

³⁸ Egewh dush ween maje‐ezhechegajig mahmahwe‐tahnishwahnahdezewug: egewh maje‐ezhewabezejig ahbetakummig tahbahnahdezewug.

³⁹ Ween mah Jehovah oobemahjeäun enewh manwandahgoozenejin: mesuh owh ahyahwung oomushkahwezewinewaun uhpe katemahgezewahjin.

⁴⁰ Jehovah oogahweedookahwaun enewh kuhya oogahbemahjeäun: oogahguhnuhwanemaun chemujje‐doodahgoosigwah enewh maje‐ezhewabezenejin kuhya oogahbemahjeäun oonje dabwayanemegood enewh.