PSALMS 36 - Ottawa New Testament Penteteuch and Psalms 1874

¹ Nekekandaun emuh nindaïng azhekuhkebahdezid owh maje‐ezhewabezid: kah dush ookoosahseen Kesha‐Muhnedoon.

² Kekechetwahwanindezoo suh nahnauzh kekekandahgoozid chesheengandahgwudenig oomujje‐ezhewabezewin.

³ Mujje‐kezhwa suh, kuhya wuhyazhinga emuh oodooning: ahzhe kepoone‐nebwahkah, kuhya kepoone‐menoojega.

⁴ Oonahnahgahdahwandaun mujje‐doodahgawin emuh oonebahguning kahween oonesheshinsenene oomeekun: kah dush oosheenganduhseen mujje‐ezhewabezewin.

⁵ O Jehovah, keshahwanjegawin duhgoomahgud ewede ishpeming: kuhya kequuhyuk‐wahdezewin tabahquahquahmoomahgud ewede ishpeming.

⁶ Kemenoo‐ezhewabezewin debishkoo keche‐wahjewing enandahgwud: keche‐demeemahgudoon ketebahkoonegawinun.

⁷ O Jehovah, kebemahjeäh enene kuhya ahwase: Keche‐ahpeetandahgwudoon keshahwanjegawinun, O Kesha‐Muhnedoo: mesuh enenewug wanje‐ahpane moowaud keningwegunun.

⁸ Kagate tahkechetabesinewug emuh kewegewauming asheenuk shahwandahgoozewin emuh: kuhya kegahmeenuhaug ewh nebee anduhgoomahguk emuh kemoojegezewine‐sebeeng.

⁹ Keen muh kedahyaun ewh wanje‐mookejewung bemahdezewin: kuhya emuh kewahsayahzewining ningahwahbundahnaun wahsayahzewin.

¹⁰ O kahgenig shahwanim egewh kakanemikig: kuhya meezh kemenoo‐ezhewabezewin egewh quuhyuk azhewabezejig emuh oodaëwaung.

¹¹ Kahween ningahpeöodissegooseeg egewh kachetwahwanemoojig: kah dush ningahmahjewenegooseeg egewh maje‐ezhewabezejig.

¹² Ewede keduhzhepungeshinoog egewh mahkindungig mujje‐uhyeëewish: keneswabenegahzoowug, kah dush tahkushkeöosewug chepuhsegwewaud.