PSALMS 35 - Ottawa New Testament Penteteuch and Psalms 1874

¹ Guhnooduhmooweshin, O Jehovah, kuhnoonudwah egewh mahgahzhejig: megauzh edush egewh mahgahzhejig.

² Tuhkoonun ewh pahkaukwaun: kuhya puhsegween cheweedookahweyun.

³ Kechekoopetoon ewh shemahgun, kuhya metahgwanemooweshin egewh wahmujje‐doodahwejig: oo‐oo ezheshin, neen nindow kebemahjeëgoowin.

⁴ Mahnoo tahneshwahnahjeähwug, kuhya tahahgujjeähwug egewh nanduhneshejig: mahnoo tahkewa‐nahzhahwahwug, kuhya tahahgujjeähwug egewh wahmujje‐doodahwejig.

⁵ Debishkoo shegwunooshkahjeguning tahezheahyahwug ewh wambahshing uhpe nwahtingin: oogahnoosoonaöogoowaun dush enewh oodangenemun owh Jehovah.

⁶ Mahnoo tahtebikahbemenahgwud emuh oomeekunaung kuhya tahshooshquahmahgud: kuhya oogahkooduggeëgoon enewh oodangenemun owh Jehovah.

⁷ Keemooj mah nuhgwahgun oogeähtoonahwah penesekah chebahnahjeëwaud: aahe penesekah kewahnekawug chepungeshing ninjechaug emuh oowahnekaunewaung.

⁸ Mahnoo chasekah tahbahnahjeäh oogahnuhgwahnegoon ewh nuhgwahgun keemooj kahoozhetood: cheöonjepungeshing emuh tebenuhwa oomujje‐doodahgawining.

⁹ Ninjechaug suh oogahmoojegezetuhwaun Jehovahun: kuhya tahoonahnegwandum oonje oobemahjeëwawin.

¹⁰ Kuhkenuh nekunun oo‐oo tahekedoomahgudoon, Jehovah, ahwanan anandahgoozid debishkookeen, bamahjeüd owh katemahgezid chemahmauzheegoosig enewh ahwahshema mashkahwezenejin: aahe owh katemahgezid chekushkeëgoosig enewh wahmuhkummegoojin gagoo?

¹¹ Kepuhsegweewug egewh kakenuhwishke‐debahjemoojig: ningekuhkenuhwishke‐bahtahmegoog enewh uhyeëen kakanduhsewaunin.

¹² Ningemujje‐doodahgoog ahnahween goo kemenoo‐doodahwugwahpun: mesuh kahoonje‐megooshkahjeähyahyaun emuh ninjechaugoong.

¹³ Neen dush ween ningeähgwen mushkemoodegin uhpe keähkoozewaud, kuhya ningedahbusseäh ninjechaug ewh kekeëquishemooyaun: nindahnuhmeähwin tahpeëzhekewamahgud emuh tebenuhwa nepeendoomooning.

¹⁴ Ningeëzhechega debishkoo kageëzhechegayaunbaun kishpin ooweejekewaëmugebun gamuh oowekahnesemugebun: ningeketemahgetoon neyow debishkoo azhechegad ahweyah mawemaud tebenuhwa oogeen.

¹⁵ Oogemoojegezetahnahwah neketemahgezewin, kuhya kemahoonjeëdewug pooch: egewh pakittaoowajig kepemahwunjeëdewug chemegahzhewaud kah dush ningekekanduhse, ningepesebenegoog kah dush kepoonetahsewug.

¹⁶ Mahmahwe egewh kakenuhwishkejig buhyahpenuhdahgajig emuh weekoondewining kemuhtwa‐yahbittasawug apeech kenishkanemewaud.

¹⁷ Tabaningayun ahneen menik kaguhnuhwahbunjegayun? bemahjew ninjechaug cheöonje‐bahnahjeësigwah, owh dush suhyahgeüg chenesigoosig enewh mezhebesheensun.

¹⁸ Kegahmahmooyahwuhmin emuh anduhzhe‐kechemahwunjeëdewaud egewh anuhmeähjig: kewahwezhanemin anduhzhe‐bahtuhyeïnwaud ahnishenahbag.

¹⁹ Kahween tahmoojegezesewug egewh penesekah mahgahzhejig oonje mahmauzheëwaud: kah dush tahbahpesewug egewh ahneshah shaunganemejig.

²⁰ Kah mah ooduhzhinduhsenahwah pezaunezewin oonahnahgahdahwandahnahwah ewh mujje‐uhyeëewish chemujje‐doodahwahwaud enewh pezaun ayahnejin oomuh uhkeeng.

²¹ Aahe kekecheahwunewug mujje‐kuhnoozhewaud oo‐oo keëkedoowaud: Tuhyah, tuhyah, ningewahbundahnaun tebenuhwa nishkinzhegoonahnin ahyooyaung.

²² Kegewahbundaun oo‐oo, O Jehovah, kagoo pezaunuhbekan: O Tabingayun, kagoo wahsuh duhnezekan.

²³ Puhsegween, kuhya kooshkoosin chetebahkoonegayun neen netebahkoonegoowin, ne Kesha‐Muhnedoom Tabanemeyun.

²⁴ Tebahkooneshin, O Jehovah ne Kesha‐Muhnedoom, debishkoo anandahgwuk kemenoo‐ezhewabezewin: kah dush tahmoojegezesewug egewh mahgahzhejig oonje mahmauzeëwaud.

²⁵ Kahween tahekedoosewug emuh oodaëwaung mesuh ananduhmaung cheëzhewabuk: kah dush oo‐oo tahekedoosewug emuh oodaëwaung, Ningekedaumwahnaun.

²⁶ Mahnoo mahmahwe tahahgujjeähwug egewh mwahjegezejig oonje neketemahgezewin: mahnoo tahkuhgwahnesugge‐sheengandahgoozewug egewh mamequahzoojig oonje megahzhewaud.

²⁷ Mahnoo tahmoojegezewug kuhya tahoonahnegwanduhmoog egewh manwandunigig quuhyuk nindezhewabezewin: moonzhug tahekedoowug, Tahkechetwahwanemah Jehovah oonje minwandung oomenoo‐bemahdezewinene enewh oobuhmeetahgunun.

²⁸ Neen dush ween ningahkekid duhzhinduhmaun kemenoo‐ezhewabezewin: kuhya kegahmahmooyah wahmin kuhpa kezhik.