PSALMS 34 - Ottawa New Testament Penteteuch and Psalms 1874

¹ Ningahmahmooyahwahmah Jehovah kahgening: moonzhug ningahnuhguhmootuh wah nindoon.

² Ninjechaug tahmuhmequahzoo oonje enewh, Jehovahun; tahnoondahgawug egewh agahsanemoojig, tahmoojeganduhmoog dush.

³ O weedookahweshig mahmooyahwahmug owh Jehovah: weedookahdahdedah chemenoo‐duhzhinduhmoowung oodezhenekahzoowin.

⁴ Ningeöondoonawah Jehovah, ningebezindaug dush: aahe ningebemahjeïk oonje nesagezewin.

⁵ Oogeguhnuhwahbuhmahwaun Jehovahun, mesuh kahoonjewahbunduhmoowaud wahsayahzewin: kah dush keähgujjeähsewug.

⁶ Keähnuhmeäh mahbuh katemahgezid enene, medush kahezhebezindahgood enewh Jehovahun: kuhya kemeetahgwanemahgood kuhkenuh enewh oodahnemezewinun.

⁷ Jehovah oodangenemun ookewetaushkahwaun enewh quasegoojin; kuhya oobemahjeäun enewh.

⁸ O taungemundun chekekanduhmag keshawahdezid owh Jehovah: shahwandahgoozewun suh enewh duhyabwayanemegoojin.

⁹ O koozik owh Jehovah kenuhwah anuhmeätuhwag: kah mah gagoo oomuhnazesenahwah egewh quasahjig.

¹⁰ Mezhebesheensug noonda‐puhkuddawug; egewh dush ween nandoonawahjig enewh Jehovahun kahween oogahmuhnazesenahwah gagoo wanesheshing uhyeëe.

¹¹ Umba, ahbenoojewedoog, bezinduhweshig: kegahkekenooähmoonenim kaëzhekoosag owh Jehovah.

¹² Ahwanan owh enene suhyahgetood bemahdezewin kuhya nanduhwandung kenooazh chebemahdezid cheoönjewahbundung ewh wanesheshing.

¹³ Guhnuhwandun kedanuhnewh chemujje‐kekedoomahgussenook: kuhya kedoon chekekedoosewun wuhyazhinga kekedoowinun.

¹⁴ Mewetoon mujje‐uhyeëewish kuhya menoo‐ezhechegan; nunduhwandun pezaunewawin kuhya meekindun.

¹⁵ Jehovah mah ooguhnuhwahbuhmaun enewh manoo ezhewabezenejin kuhya nesahkooshkahne ootuhwugoon chebezindahwaud enewh anuhmeätahgoojin.

¹⁶ Jehovah oonuhnahgahdahwahbuhmaun enewh maje‐ezhecheganejin, chebahnahdudenig oomequanemegoowinewaun oonje uhkeeng.

¹⁷ Wesuhgedamoog enewh manoo‐ezhewabezejig oobezindahgoowaun dush enewh Jehovahun: kuhya oodekoonegoowaun oonje oodahnemezewinewaun.

¹⁸ Jehovah pashoo ahyah anduhzhe‐ahyahwaud ahyaunwanindezoojig: kuhya oobemahjeäun enewh agahsanemoonejin.

¹⁹ Netuh‐keche‐ahnemeze owh manoo‐ezhewabezid oobemahjeëgoon suh enewh Jehovahun oonje kuhkenuh oodahnemezewinun.

²⁰ Ooguhnuhwandahnun kuhkenuh ookunun: kahdush wekah tahpookookunase.

²¹ Owh maje‐ezhewabezid oogahnesegoon enewh oodahnemizewinun: egewh dush shaunganemahjig enewh manoo‐ezhewabezenejin tahkekandahgoozewug mujje‐ezhewabezewaud.

²² Jehovah oobemahjeäun enewh oobuhmeetahgunun: kah dush ahweyah menik anduhchenid enewh duhyabwayanemegoojin tahnezhekawezese.