PSALMS 33 - Ottawa New Testament Penteteuch and Psalms 1874

¹ Moojegezetuhwik Jehovah kenuhwah manoo‐ezhewabezeyag: menootahgwudene mah oonuhguhmoowinewaun egewh quuhyuh azhewabezejig.

² Nuhguhmootuhwik Jehovah ewh keche‐muhtwawawajegun.

³ Nuhguhmootuhwik ooshke‐nuhguhmoowin: wawane nuhguhmootuhwik kezhewayug.

⁴ Oonesheshinene mah oodekedoowin owh Jehovah: kuhya emuh dabwawining keähnooke keöozhetood kuhkenuh uhyeëen.

⁵ Oominwandaunun quuhyuk ezhewabezewin kuhya quuhyuk tebahkoonegawin: mooshkenamahgudene ooshahwanjegawin owh Jehovah oomah uhkeeng.

⁶ Me‐suh oodekedoowin owh Jehovah kahoonje‐oozhechegahdag ewh kezhik: kuhya kuhkenuh ayahjig emuh oogeöozheëgoonahwah ewh oonasawin oodooning wanjebahmahgudenig.

⁷ Oomahwunduhgummesaäun enewh kechegummeeng duhzhe nebeen, kuhya nahwuhgaum duhzhe nebeen oodahtoonun emuh oodahtahsoowining.

⁸ Mahnoo kuhkenuh uhkeeng ayahjig oogahkoosahwaun Jehovahun: kuhya kuhkenuh anduhnuhkeejig oomah uhkeeng tahsagezewug ween oonje.

⁹ Kekekedoo mah, mesuh kahoonjeöozhechegahdag: kekuhgaundwa, mesuh keminjemoosing.

¹⁰ Jehovah oobahnahjetoon oonebwahkahwinewaun egewh anuhmeähsigoog: oodezhetoonun enewh ookuhkuhyanezewinewaun egewh ahnishenahbag ningood cheënahbuttesenenig.

¹¹ Oonebwahkahwin owh Jehovah kahgenig tahsoongekahbahwemahgudene: oonahnahgahdahwanduhmoowinun menik kaähneka‐bemahdezing.

¹² Shahwandahgoozewug suh egewh ahnishenahbag waKesha‐Muhnedoomejig Jehovahun! kuhya shahwandahgoozewun enewh kahwahwanahbuhmahjin cheöodahnishenahbamegood.

¹³ Ewede ishpeming oonzahbe owh Jehovah: oowahbuhmaun kuhkenuh enenewug oonejahnesewaun: ewede dush andaud oonahnahgahdahwanemaun kuhkenuh uhkeeng anduhnuhkeenejin.

¹⁴ Mesuh owh kahoozhetood oodaëwaun: ookekandaunun kuhkenuh oodahnookeewinewaun.

¹⁵ Kahween ahweyah keche‐oogemah oogahbemahjeëgooseen enewh waqueenoonejin ooshemahguneshemun: kah kuhya ahweyah mashkahwezid enene oogahbemahjeëgooseen ewh tebenuhwa oomushkahwezewin.

¹⁶ Kah ningood enahbuttezese papazhegoogunzhe webemahjeïnd enene: kahween oogahtabemahjeähseen ahweyah enenewun ahnahween goo keche‐mushkahwezid.

¹⁷ Benuh Jehovah ooguhnuhwahbuhmaun enewh quasegoojin: kuhya enewh apanemoonejin ooshahwanjegawin.

¹⁸ Chebemahjeäud oojechaugoowaun cheneboosenig kuhya chebemahdezenid magwah pukkuddakummegaug.

¹⁹ Ninjechaugoonaun oopeeäun Jehovahun; mesuh owh ayahwid nemushkahwezenaun kuhya nepahkahahquaunenaun.

²⁰ Ningahmoojegedaämin oonje owh Jehovah: ningeähpanemoonaun kachetwahwandahgwudenig oodezhenekahzoowin.

²¹ Mahnoo shahwanemeshenaum keen matuhshahwanjegayun: debishkoo azheähpanemooyaung kedezhenekahzoowin.