PSALMS 32 - Ottawa New Testament Penteteuch and Psalms 1874

¹ Shahwandahgooze owh kahwabenuhmahwind oomujjee‐ezhewabezewin: kuhya owh agwahnuhahmahwind oo kuhkebahdezewin.

² Shahwandahgooze owh enene, mujje‐ezhewabeze ananemegoosig enewh Jehovahun: kuhya ayaunsig kuhkuhyanezewin emuh oojechaugoong.

³ Magwah mah kekedoosewaunbaun kebuhnahdudoon nekunun oonje anduhsookezhik kenuhneenuhwetahgoozeyaun.

⁴ Koosegwun mah keneenj emuh neyowing kahzhegukkin kuhya tabekukin kuhya nepangooz debishkoo azhepangookummegaug nahbing.

⁵ Kegahwahweenduhmoon nemujje‐ezhewabezewin: kah dush ningekahdunse nemujje‐ezhechegawin.

⁶ Ningeëkid, ningahwahweenduhmahwah owh Jehovah nemujje‐ezhewabezewin: me‐suh kewabenuhmahweyun memujje‐ezhewabezewin.

⁷ Mesuh kaöonjeähnuhmeätookwah kuhkenuh egewh manoo‐ezhewabezejig uhpe kamekahgooyun: uhpe dush kache‐mooshkuhungin kahween oogahoodissegooseenun nebeen.

⁸ Keen suh kedow nekahzoowin, keen suh keguhnuhwanim cheähnemezesewaun: kegahkewetaushkou enewh bemahjeewawine‐nuhguhmoowinun.

⁹ Kegahweenduhmoon kuhya kegahkekenuhuh moon ewh meekun kanahguhdooyun: kegahsuhgahbegenin nishkeenzhik.

¹⁰ Kagoo ezhewabezekan debishkoo azhewabezid owh papazhegoogunzhe, gamuh ahyahbittahwezid papazhegoogunzhe nabwahkaksigoog: atuhwindjig suhgedoonabejegunahbikoon kuhya suhgedoonnabejegunun emuh oodoonewaung: oonje wepenaunze-koosenoowag.

¹¹ Tahkechekootugganduhmoog egewh maje‐ezhewabezejig: owh dush apanemaud Jehovahun oogahkeche‐shahwanemegoon enewh.

¹² Moojegezetuhwik Jehovah, oonahnegwanduhmoog kenuhwah manoo‐ezhewabezeyag: kuhya moojege‐suhsahquayook kenuhwah manoo‐ezhewabezeyag emuh kedaëwaung.