PSALMS 31 - Ottawa New Testament Penteteuch and Psalms 1874

¹ Mesuh kemushkahwezewin apanemooyaun, O Jehovah: kah wekah ningahahgujjeëgoose, bemahjeeshin emuh kemenoo‐ezhewabezewining.

² Bezinduhweshin ketuhwuggaung: waweeb bemahjeëshin nindahzhebikoom ahwen kuhya nepeenjwahkahegunim.

³ Keen mah kedow nindahzhebikoom kuhya nepeenjwahkahegun: me suh kaöonjesahgahbegeneyun kuhya kaoonjekekenooahmahweyun oonje kedezhenekahzoowin.

⁴ Ekooneshin oonje nuhgwahguning: keemooj kahoozhetoowaud chenuhgwahnegooyaun keen mah nemushkahwezewin kedow.

⁵ Emuh keneenjeeng nepuggedenah ninjechaug: kegebemahjew Jehovah keen duhyabwayun Kesha‐Muhnedoo.

⁶ Ningesheenganemaug kuhkenuh egewh suhyahgetoojig kuhkenuhwishke‐kuhkebahdezewinun: nindahpanemah owh Jehovah.

⁷ Ningahoonahnegwandum kuhya ningahmoojegiz oonje keshahwanjegawin: kegenahnahgahdahwandaun suh neketemahgezewin: kuhya kegekekanemah ninjechaug magwah keähnemezeyaun.

⁸ Kahween kegekebahquahoose emuh ooneenjewaung egewh mahgahzhejig: kegeähtoonun nesittun emuh manguttayaug wegewauming.

⁹ Shahwanemeshin, O Jehovah, nemegooshkahdandum mah: bahnahdud suh nishkeenzhik oonje kushkanduhmaun, kuhya ninbemahdezewin kuhya nemesud.

¹⁰ Chahgesamahgud mah nebemahdezewin apeech wesugganduhmaun: bahnahdud nemushkahwezewin oonje mujje‐ezhewabezeyaun kuhya buhnahdudoon nekunun.

¹¹ Ningekekahmegoog egewh shaunganemejig mamwach neejeduhnuhkeewamahgunug: ningekoosigoog egewh kakanemejig: egewh dush ahgwahjeeng kahwahbuhmeejig keöozhemoowug uhpe paundegayaunin ningooche.

¹² Newuhnanemegoo debishkoo kahnebood enene azhewuhnanemind: nindezheähyah debishkoo oonahguning kahpegooshkaug.

¹³ Ningenoondahga azhemujje‐duhzhemewaud nebewah bamahdezejig: ningekewetaushkahgoon sagezewin: magwah kuhnoonindewaud nundahneshewaud.

¹⁴ Ningeähpanemah Jehovah: oo‐oo ningeënah, Keen kedow ne‐Kesha‐Muhnedoom.

¹⁵ Nebemahdezewin duhgoomahgud emuh keneenjeeng: metahgwanemooweshin egewh shaunganemejig kuhya egewh wahmujje‐doodahwejig.

¹⁶ Wahbunduhow kebuhmeetahgun ewh kewahsayahbuhmenahgoozewin: kuhya bemahjeëshin oonje keshahwanjegawin.

¹⁷ Kahween ningahahgujjeëgoose O Jehovah kegeähnuhmeätoon mah: mahnoo tahahgujjewug egewh maje‐ezhewabezejig kuhya tahpezauneshinoog emuh chebaguhmigoong.

¹⁸ Mahnoo kahween tahkekedoosewug egewh kakenuhwishkejig: oonje mujje‐duhzhemahwaud kuhya mujje‐kuhnoonahwand enewh manoo‐ezhewabezenejin.

¹⁹ O Keche‐ahpeetandahgwud keshahwanjegawin azheshahwanemudwah egewh kwasikig: kahoozhetuhmoowudwah egewh duhyabwayanemikig anahsuhmenid enenewug oogwissewaun.

²⁰ Kegahkauzh emuh keemoodezewining anahsuhmuhbeyun oonje wemujje‐doodahwewaud enenewug: keemooj kegahguhnuhwanim oonje kekaundemahguk oodanuhnewhemah.

²¹ Tahmahmooyahwuhmah Jehovah: ningemuhmuhkauje‐shahwanemik mah emuh Keche‐oodanaung.

²² Uhpe dush keähnemezeyaun ningeëkid, ningenesegoo oonje anahsuhmuhbeyun: pooch kegenoondaun ninduhnemetahgoozewin uhpe keähnuhmeätoonaun.

²³ O sahgeïk Jehovah kuhkenuh kenuhwah anuhmeätuhwag: Jehovah mah ooguhnuhwanemaun ahyaungwahmezenejin; kuhya ookeche‐tebahahmahwaun enewh kachetwahwanemoonejin maje‐ezhecheganejin.

²⁴ Mushkahwezeyook, kegahsoongedaäshkahgoowah dush kenuhwah menik apanemooyag Jehovah.