PSALMS 30 - Ottawa New Testament Penteteuch and Psalms 1874

¹ Kegahkechetwahwanemin, O Jehovah, keen mah kegeoombenaun neyow: kah dush kegepuggedenuhmahwahseeg egewh shaunganemejig chemahmauzheëwaud.

² O Jehovah ne‐Kesha‐Muhnedoom kegeähnuhmeätoon kegenoojemou edush.

³ Keöombenaun nebemahdezewin oonje chebaguhmigoong: kegebemahjewh cheëzhahsewaun emuh wahmekauning.

⁴ Nuhguhmootuhwik Jehovah kenuhwah anuhmeätuhwag kuhya mahmooyahwuhmik uhpe maquanduhmagoon oomenoo‐ezhewabezewin.

⁵ Wanebik atuh nishkahdeze, kishpin minwanememung mesuh kaöonje‐bemahdezeyung: ahnahween mahweyung kuhpa debik, kekezhab tahmoojegezeem.

⁶ Uhpe kemenoo‐ahyahyaun ningeëkid kah wekah ningahmahjewenegoose: keen mah waneshesheyun Jehovah kegesoongesittoon newahjewim.

⁷ Kahween kegeguhnuhwahbuhmese, mesuh kah oonjemegooshkahdanduhmaun.

⁸ Me dush uhpe keähhuhmeätoonaun, O Jehovah: ningekeche‐pahgoosanemah ne Kesha‐Muhnedoom.

⁹ Ahneen kaënahbuttuk nemisqueem: uhpe keëzhahyaun emuh chebaguhmigoong.

¹⁰ Kegahmahmooyahwuhmegoon enuh weyuggussa? gamuh kegahdebahjemegoon enuh azhenetuhdabwayun?

¹¹ Bezinduhweshin O Jehovah kuhya shahwanemeshin: Jehovah weedookahweshin.

¹² Kegeäunjetoon nemegöoshkahdanduhmoowin mamashquad chemoojegezeyaun: kegekesekuhmow ewh mushkemoodegin agweyaunbaun, kegepesekuh mow ewh moojeganduhmoowin.

¹³ Mesuh kaöonjenuhguhmootahgooyun nepeshegandahgoozewin: kahgenig kegahmahmooyahwuhmin O Jehovah ne‐Kesha‐Muhnedoom.