PSALMS 3 - Ottawa New Testament Penteteuch and Psalms 18741 Jehovah, ashkum meshenoowug egewh maje‐doodahwejig; oonzaumenoowug egewh mahgahzhejig. 2 Bahtuhyeïnwug egewh oo‐oo anahjig ninjechaugwun: kahween ooweedookahgooseen enewh oo‐Kesha‐Muhnedoomun. 3 Keen suh O Jehovah nepahpahquaun kedow: nepezhegandahgoozewin kuhya owh wambequaneïd kedow. 4 Ningenuhnaundoomah owh Jehovah: ookechetwah‐wahjewing ningeöonjenoondaug dush. 5 Ningekuhweshim, kuhya dush ningenebah: ningekooshkoos, ningeguhnuhwanemik mah owh Jehovah. 6 Kah suh ningahsagezese, ahnoo goo metahching metauswauk duhchewaud egewh ahnishenahbag kewetuhyeëe anahbahweyaun pahmegahzhejig. 7 Puhsegween O Jehovah, bemahjeëshin O ne Kesha‐Muhnedoom, kegepuhsedoonawaug mah kuhkenuh shaunganemejig, kegepookoobetaäug egewh maje‐ezhewabezejig. 8 Mesuh owh Jehovah bamahjeëwad: kegahshahwandahgoozeäug egewh kedahnishenahbamug. |
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
Canadian Bible Society