PSALMS 29 - Ottawa New Testament Penteteuch and Psalms 1874

¹ Meenik owh Jehovah kenuhwah oogemahmedoog: meenik kechetwahwezewin kuhya mushkahwezewin.

² Kechetwahwanemik owh Jehovah debishkoo anandahgwudenig oodezhenekahzoowin: oojecheengwuhnetuhwik Jehovah emuh menoo‐ezhewabezewining.

³ Kesha‐Muhnedoo suh ahwe wanje noondahgoozewaud ahnemikeeg; ahyah suh Jehovah emuh oogedebeeg.

⁴ Jehovah ahwe owh wagemahkundung keche‐kechegummee; keche‐mushkahwezemahgudene oodinwawin owh Jehovah: keche‐kootahmegwudene odinwawin owh Jehovah.

⁵ Ewh oodinwawin owh Jehovah oonje taushkesawaud geezhikoog, aahe Jehovah oopeegoobenaun enewh geezhikoon emuh Lebanoning padukkezoonejin.

⁶ Oodezheäun cheneemenid debishkoo pezhekeensing: Lebanon kuhya Sirion debishkoo wadashkunid papazhegoogunzhe oomahnisheensemun.

⁷ Oodinwawin owh Jehovah wanjecheengwakummegaug puhgwuhduhkummig: kagate Jehovah ahwe wanjecheengwakummegaug emuh Cades puhgwuhduhkummig.

⁸ Mesuh oodinwawin owh Jehovah wanje‐taushkesawaud shingwaukwug, kuhya wanje wahbunjegahdag metigwuhkee: emuh ookechetwah‐ahnuhmea‐weguhmigoong kuhkenuh oodebahdoodahnahwah ookechetwahwandahgoozewin.

⁹ Oogedebeeg nuhmuhduhbe owh Jehovah akoo‐mooshkuhung: kahgenig keche‐oogemahwuhbe Jehovah.

¹⁰ Jehovah oogahmeenaun enewh oodahnishenahbamun ewh mushkahwezewin: Jehovah oogahshahwanemaun enewh oodahnishenahbamun wemeenaud ewh pezaunewawin.