PSALMS 28 - Ottawa New Testament Penteteuch and Psalms 1874

¹ Kegahahnuhmeätoon, O Jehovah, nemushkahwezewin ahyahweyun: nuhquatuhweshin, kishpin nuhquatuhwesewun ningahezheähyah debishkoo azheähyahwaud egewh azhahjig emuh wahnekauning.

² Bezinduhmooweshin nindahnuhmeähwinun uhpe anuhmeätoonaunin: uhpe zhabenikaneyaunin emuh kekechetwah‐ahnuhmeä‐weguhmigoong anuhkuhkayah.

³ Kagoo ekooneshekan debishkoo azheëkoonudwah egewh maje‐ezhewabezejig kuhya maje‐ezhechegajig: egewh manoo‐kuhnoonahjig ooweejduhnuhkewamahguuewaun, ahnahween goo enanduhmoowaud emuh oodaëwaung wemujjedoodahgawaud.

⁴ Ezhetebahahmow debishkoo anandahgwudenig oodezhechegawinewah: kuhya debishkoo anandahgwudenig oomujje‐doodahgawinewaun.

⁵ Ezhetebahahmow debishkoo anandahgwudenig oodahnookeewinewaun: dehishkoo anandahgoozewaud ezhetebahuhmow.

⁶ Kah mah oobahbahmanduhsenahwah oodahnookeewinun owh Jehovah, kah kuhya oonahnahgahdahwanduhsenahwah enewh kahoozhetoojin: me suh Kesha‐Muhnedoo kaöonjebahnahjeäud enewh kah dush nayaub oogahnahnuhinahseen.

⁷ Tahwahwezhanemah Jehovah: oogebezindaun mah nindinwawin uhpe keähnuhmeähyaun.

⁸ Jehovah ahwe nemushkahwezewin kuhya ningeähpanemah emuh nindaïng, me suh wanje‐weedookahgooyaun: me suh wanjemoojegedaäyaun kuhya kaöonjenuhguhmootuhwug.

⁹ Jehovah ahwe oomushkahwezewinene oodahniskenahbamun kuhya oobemahjeëwawine mushkahwezewinene enewh kahnuhmuhkoonahjin.

¹⁰ O bemahjew kedahnishenahbamug kuhya shahwanim egewh dabanemudjig: ahshum egewh, kuhya ishpeming ezheweezh kahgenig.