PSALMS 27 - Ottawa New Testament Penteteuch and Psalms 1874

¹ Jehovah ahwe newahsayahzewin kuhya nebemahjeëgoowin ahwanan dush kakoosug? Jehovah ahwe wanjemushkahwezemahguk ninbemahdezewin; ahwanan dush kakoosug?

² Uhpe egewh maje‐ezhewabezejig shaunganemejig, kuhya mahgahzhejig kepenaunzekahwewaud chemeejewaund neyaus: kepukkittashinoog kuhya kepungishinoog.

³ Ahnahween goo bahtuhyeïnwaud egewh pahmegahzhejig kahween ningahchahgedaäse: ahnahweengoo penundoobunewaud wemegahzhewaud, mesuh oo‐oo kaähpanemooyaun.

⁴ Pazhig uhyeëe ningenundooduhmahwah owh Jehovah mesuh ewh kaöondoonaähmaun: chedahyaun emuh oowegewauming owh Jehovah kuhkenuh kezhegudoon menik kabemahdezeyaun chewahbunduhmaun oopezhegandahgoozewin owh Jehovah kuhya chekuhgwadwayaun emuh oodahnuhmeäweguhmigoong.

⁵ Uhpe mah ahyahnemezeyaunin ningahkahnig emuh oowegewauming: aahe keemoodezewining emuh oowegewauming ningahkahnik, ningahahsik emuh oogedahbik.

⁶ Benuh noongoom ningahoombequaneëgoo: ahwahshema cheïshpandahgoozeyaun dush ween shaunganemejig kewetuhyeëe ayahjig.

⁷ Mesuh dush kaöonjemeegewayaun moojegeze wine sahsahgewejegunun emuh oowegewauming: ningahnuhgum, aahe ningahnuhgummootuhwah Jehovah.

⁸ Bezinduhweshin, O Jehovah, uhpe kanooninaunin: shahwanemeshin kuhya bezindahweshin.

⁹ Emuh nindaïng kegeduhzhemin oo‐oo keëkedooyaun, guhnuhwahbuhmeshig: kegahguhnuhwahbuhmin suh, O Jehovah.

¹⁰ Kagoo kahduhmahweshekan enewh kishkinzhigoon: kagoo dush wabenahkan kebuhmeetahgun emuh kenishkahdezewining.

¹¹ Kegeweedookow: kagoo nuhguhnuhzheshekan kuhya kagoo wabeneshekan O Kesha‐Muhnedoo bamahjeëyun.

¹² Uhpe nuhguhnuhzhewaud noos kuhya ninguh: ningahoodahpenik owh Jehovah.

¹³ Kekenooähmahweshin kemeekun, O Jehovah: kuhya suhgahbegeneshin emuh quuhyuk meekunaung, oonje egewh shaunganemejig.

¹⁴ Kagoo puggedeneshekan chedoodahwewaud egewh shaunganemejig ewh uhyenanduhmoowaud: kepuhsegwewug mah egewh kakenuhwishke‐debahjemoojig mujje‐duhzhemewaud kuhya egewh wahmujje‐doodahwejig.

¹⁵ Nindahgekeche‐pwahnahwetum kishpin kedabwayanduhsewaunbaun chewewahbunduhmaun ooshahwanjegawin owh Jehovah emuh ooduhkeemewaung egewh bamahdezejig.

¹⁶ Peeöw Jehovah: kagoo sagezehan kegahsoongedaäïk dush; peeöw nindekid owh Jehovah.