PSALMS 26 - Ottawa New Testament Penteteuch and Psalms 1874

¹ Tebahkooneshin O Jehovah, ningebemoosa mah emuh menoo‐ezhewabezewining; ningeähpanemah mah Jehovah, me kaöonjepukkittashinsewaun.

² Nundahkekanemeshin O Jehovah: nundahkekandun nekahkoogun kuhya ninda.

³ Nenahnahgahdahwahbundaun mah kekeche‐shahwanjegawin: kuhya ningebemoosa emuh kedabwawining.

⁴ Kahween ningeweeduhbemahseeg egewh kakenuhwishkejig; kah dush ningahweejpeendegamahseeg egewh wuhyazhingashkejig.

⁵ Ningesheengandaun oomuhwunjeëdewinewah egewh maje‐ezhechegajig: kah dush ningahweeduh-bemahseeg egewh maje‐ezhewabezejig.

⁶ Ningahkeseebeegineenje emuh menoo‐ezhewabezewining: mesuh kaëzhekewetaushkuhmaun kesahsahgewejegunahbikoon O Jehovah.

⁷ Keche‐anegook pepahgeyaun emuh mahmooyahwawine inwawining: chedebahdooduhmaun kuhkenuh mamaundahgwukkin kedahnookeewinun.

⁸ Jehovah ningesahgetoon ewh wegewaum andahyun: emuh anduhnezemahguk kekechetwahezewin.

⁹ Kagoo tuhquahkoonahkan ninjechaug mahmahwe maje‐ezhewabezejig: kah dush ningahweedegamahseeg nashewashkejig enenewug.

¹⁰ Emuh ooneenjewaung ootuhkoonahnahwah ewh mujje‐doodahgawin kuhya emuh ookeche‐neenjewaung oodahyahnahwah mujje‐tebahahmahgoowin.

¹¹ Neen dush ween ningahbemoosa emuch nemenoo‐ezhewabezewining; bemahjeëshin kuhya shahwanemeshin.

¹² Quuhyukookahbahwemahgud nesit: emuh anduhzhe‐mahoonjeëdewaud egewh anuhmeähjig ningahduhzhewahwezhanemah Jehovah.