PSALMS 25 - Ottawa New Testament Penteteuch and Psalms 1874

¹ Kedoombenuhmoon ninjechaug, O Jehovah: O Kesha‐Muhnedoo, kedahpanemin: kagoo puggedeneshekan cheähgujjeëgooyaun, kagoo puggedenuhmoowahkan egewh shaunganemikig chemahmauzheëwaud.

² Aahe, kahween ahweyah tahahgujjese menik anduhchewaud egewh bameetookig: mahnoo tahahgujjewug egewh penesekah maje‐ezhechegajig.

³ Wahbundaheshin kemeekunun, O Jehovah: kuhya kekenooähmahweshin kemeekaunsun.

⁴ Suhgahbegeneshin emuh kedabwawining, kuhya kekenooähmahweshin: keen mah kedow ne Kesha‐Muhnedoom bamahjeëyun; kepeïn kuhpa kezhig.

⁵ O Jehovah, mequaundun kekeche‐shahwanjegawinun: kuhya kesahgeëwawinun, kuhyet mah keduhgoomahgudoon kahgenig.

⁶ Kagoo mequandunkan nemujje‐ezhewabezewinun azhemujje‐ezhewabezeyaunbaun magwah ooshkenegeyaunbaun, kuhya nekuhkebahdezewinun: debishkoo suh azheshahwanjegayun mequanemeshin oonje keshahwanjegawin O Jehovah.

⁷ Menoo‐ezhewabeze kuhya quuhyukwahdeze owh Jehovah: mesuh kaöonje‐kekenooähmahwaud maje‐ezhewabezenejin ewh meekun.

⁸ Oogahsahgahbegenaun enewh bakahdezenejin emuh menoo‐tebahkoonegawining: kuhya oogahkekenooähmahwaun enewh bakahdezenejin ewh anenuhmoonig oomeekun.

⁹ Kuhkenuh oomeekaunsun owh Jehovah ahwunoon shahwanjegawin kuhya dabwawin, enuhkuhkayah egewh ganuhwandungig oowahweendahgawin kuhya oodebahjemoowinun.

¹⁰ Oonje kedezhenekahzoowin O Jehovah wabenuhmahweshin nemujje‐ezhewabezewin: ningekechemujje‐ezhewabiz mah.

¹¹ Ahwanan owh enene quasaud Jehovahun mesuh enewh kakekenooähmahwahjin ewh meekun kanahguhdoonid.

¹² Tahpezaunezewun oojechaugwun: kuhya, oonejahnesun oogahdebandahnahwah uhkee.

¹³ Egewh quasahjig Jehovahun oodahyahnahwah ookeemoodezewin: mesuh enewh kawahbundahahjin oowahweendahmahdewin.

¹⁴ Moonzhug neguhnuhwahbuhmah Jehovah: nindekoonuhmaug mah nesittun oonje nuhgwahguning.

¹⁵ Qwakekahbahwetuhweshin kuhya shahwanemeshin: nenepootawiz mah kuhya neketemahgiz.

¹⁶ Ashkum nemegooshkahjedaä: O metahgwanemooweshin neketemahgezewinun.

¹⁷ Guhnuhwahbundun neketemahgezewin: kuhya wabenuhmahweshin nemujje‐ezhewabezewin.

¹⁸ Nahnahgahdahwanim egewh shaunganemejig, bahtuheïnwug mah: ahpeche dush nekuhgwahnesugge‐sheenganemegoog.

¹⁹ O guhnuhwanim ninjechaug kuhya bemahjeeshin: kagoo puggednuhmahweshin cheähgujjeegooyaun kedabwayanemin mah.

²⁰ Mahnoo ningahguhnuhwanemegoo oonje menoo‐ezhewabezewin kuhya quuhyukwahdezewin: kepeeïn mah.

²¹ Bemahjew Israel O Kesha‐Muhnedoo: oonje kuhkenuh oodahnemezewinun.