PSALMS 24 - Ottawa New Testament Penteteuch and Psalms 1874

¹ Jehovah oodebandaun uhkee, kuhya kuhkenuh enewh uhyeëen atagin emuh: ewh uhkee, kuhya kuhkenuh anduhnuhkeejig emuh.

² Oogeühyeenjesitoon suh emuh kechegummeeng: kuhya oogeminjemoosetoon emuh sebeweshaïng.

³ Ahwanan kaähmujjewad emuh oowahjeweming owh Jehovah: ahwanan kanebahwid emuh ookechetwah‐weguhmigoong?

⁴ Owh suh pahnudenig ooneenjeen, kuhya quuhyuk azhewabudenig ooda: owh nunduhwanduhsig kuhkebahdezewin, kuhya wekah kahwuhyazhinga-wahweenduhmahgasig.

⁵ Oogahshahwanemegoon enewh Jehovahun: kuhya oogahmeenegoon quuhyuk‐wahdezewin enewh Kesha‐Muhnedoon bamahjeëgoojin.

⁶ Mesuh kaëzhewabezewahpun egewh nanduhwahbuhmahjig Jehovahun: nanduhwahbundungig kishkeenzhegoon, O Jacob.

⁷ Oombequaneyook kenuhwah kache‐ishquaundameweyag: kuhya tahnesahkoonegahdanoon kahgega‐ishquaundamun, chepeendegad owh kache‐peshegandahgoozid keche‐oogemah.

⁸ Ahwanan owh kache‐peshegandahgoozid keche‐oogemah? mesuh owh Jehovah kache‐mushkahwezid, owh Jehovah kache‐netuh‐mahmauzheëwad.

⁹ Oombequaneyook kenuhwah kache‐ishquaundameweyag: kuhya tahnesahkoonegahdanoon kahgega‐ishquaundamun, chepeendegad owh kache‐peshegandahgoozid keche‐oogemah.

¹⁰ Ahwanan owh kache‐peshegandahgoozid keche‐oogemah? Jehovah owh tabanemaud enewh waqueenoonejin, mesuh owh ahyahwid kache‐peshegandahgoozid keche‐oogemah.