PSALMS 22 - Ottawa New Testament Penteteuch and Psalms 1874

¹ Ne Kesha‐Muhnedoom, ne Kesha‐Muhnedoom, wagoonan kahoonjenuhguhnuhzheyun? wagoonan wahsuh wanje‐duhnezeyun cheweedookahwesewun, kuhya chebezinduhsewun enewh nindekedoowinun azhenuhneenuhwetahgoozeyaun?

² O neKesha Muhnedoom, nindahnemetahgooz magwah kezheguk, kah dush kebezindahwese: magwah tebekuk, kah dush nepoonekededoose.

³ Keen edush kepeeniz: keen andahyun emuh anduhzhe‐wahwezhanemik Israel.

⁴ Nooseminahbuneeg oogeähpanemoonahwah kedezhetwahwin: mesuh keen kahahpanemoowaud, kegebemahjeäug edush.

⁵ Kegeähnuhmeätahgoog, kebemahjeähwugedush: kegeähpanemigoog, kah dush keähgujjeähsewug.

⁶ Muhnedoonshish nindow kahween nindenenewese, nekekahmegoog edush egewh enenewug: nebahpeëgoog egewh ahnishenabbag.

⁷ Nekaunjbahpeëgoog kuhkenuh egewh wuhyahbuhmejig: sheshebedoonanewug, kuhya wawabe-quanewug oo‐oo ekedoowaud.

⁸ Oogeähpanemaun Kesha‐Muhnedoon, chebemahjeëgood: mahnoo oogahbemahjeëgoon, me mah enewh manwanemahpuneen.

⁹ Keen suh kegesahgejeweezh emuh oopuhyowing owh ninguh: kegemeezh ewh kaähpanemooyaunbaun magwah weekoopetuhmaunbaun enewh oodoodooshemun ninguh.

¹⁰ Kahween gagoo ningeähyaunseen kageähpane-mooyaunbaun pahahkoo‐negeyaun keen atuh; kuhya kedooKesha‐Muhnedoowemin pahahkoosahguhuhmaun emuh oonje ninguh oomesudaung.

¹¹ Kagoo wahsuh nuhguhnuhzheshekan, ahnemezewin mah pashoo peähyahmahgud: kah dush ahweyah neweedookahgoose.

¹² Nebewah ahyahba‐pezhekewug ningekewetaushkahgoog: mashkahwezejig Bashaning duhzhe pezhekewug nebahwewug kewetuhyeëe ahyahyaun.

¹³ Kekechetahwunewug cheähmoowaud: debishkoo mezhebeshe pabahnunduhwanjegad kuhya masittahgoozid.

¹⁴ Nesegwabenegoo debishkoo nebeeng poogoosh-kahnoon suh kuhkenuh nekunun: debishkoo pegewing ezhewabud ninda, ningeta peenjenuh emuh neyowing.

¹⁵ Nemushkahwezewin bahtamahgud debishkoo wahbegune‐oonahguning: kuhya nindanuhnewh ahkoogamahgud emuh nindahmekuning, kepuhgedenaun neyow emuh neboowine‐weyuggussang.

¹⁶ Ningekewetaushkahgoog suh egewh uhnemooshug: kuhya egewh maje‐ezhewabezjig mahyahwunjeëdejig kewetuhyeëng ahyahyaun nebahwewug.

¹⁷ Ningepuhjebuhegoog emuh neneenjeeng kuhya emuh nesittaung: nindahkushketoo cheähginduhmaun kuhkenuh nekunun: neguhnuhwahbuhmegoog kuhya nemahyuggahbuhmegoog.

¹⁸ Mahdahoonedewug suh enewh nindahgwewinun: kuhya dush oodahtaundekundahnahwah nepuhpensuhkoowahgun.

¹⁹ Kagoo ningooche wahsuh ezhahkan neen anduhzhe‐ahyahyaun, O Jehovah: O keen nemushkahwezewin ahyahweyun waweeb peweedookahweshin.

²⁰ Metahgwanemow ninjechaug ahzhuhwashkoon: owh suhyahgeüg chekushkeëgoosig enewh uhnemooshun.

²¹ Bemahjeëshin chepwah ahmood mezhebeshe: kegebezindow magwah puhjebuhegooyaunbaun oodashkunewaun egewh wadashkunejig papazhegoogunzheeg.

²² Ningahwahweenduhmoowaug egewh nekahnisug kedezhenekahzoowin: emuh anduhzhe‐mahwunjeëdewaud kegahwahwezhanemin.

²³ Kenuhwah quasag owh Jehovah, wahwezhanemik: kenuhwah wanejahnesemenag owh Jacob kechetwahwanemik: koosik edush kuhkenuh kenuhwah wanejahnesemenag;

²⁴ Kah mah oogesheenganduhseen, kah kuhya oogekuhgwahnesugganduhseen ooketemahgezewin owh katemahgezid: kah dush kekahzoose chewahbuhmegoosig enewh: uhpe dush kahahnuhmeätahgood oogebezinduhwaun.

²⁵ Kegahkeche‐wahwezhanemin enuh anduhzhe‐mahoonjeëdewaud egewh waqueenoojig: ningahkezheekauz kahwahweenduhmoowug emuh anahsuhmenid enewh quasegoojin.

²⁶ Egewh agahsanemoojig tahwesenewug, tahtabesinewug dush: egewh dush nandoonaähjig Jehovahun oogahkeche‐wahwezhanemahwaun enewh; kedaëwaun kahgenig tahbemahdudoon.

²⁷ Tahmequanduhmoog suh kuhkenuh emuh wuhyaquahkummegaug uhkee ayahjig kuhya oogahnaunzekahwahwaun Jehovahun: kuhya kuhkenuh ahnooj azheweenzoojig ahnishenahbag tahoojecheengwunetuhmoog emuh anahsuhmeyun.

²⁸ Ween mah Jehovah oodebandaun ewh oogemahwewin: ween suh keche‐oogemahwe emuh anduhnuhkewaund egewh mayug‐ahnishenahbag.

²⁹ Kuhkenuh wahnenoojig oomuh uhkeeng: tahwesenewug, kuhya tahoojecheengwuhnetuhmoog.

³⁰ Kuhkenuh egewh weyuggussang azhahjig oogahshahgushketahwahwaun: kah dush ahweyah oogahtabemahjeähseen tebenuhwa oojechaugwun.

³¹ Egewh wanejahnesemindjig oogahbuhmeetahwahwaun enewh: mesuh enewh Jehovah wanejahnesejin tahenahwug kahgenig.

³² Tahpeëzhahwug, oogahwahweenduhmoowahwaun ooquuhyuk‐ezhewabezewin kuhkenuh enewh ahnishenahban pechenug kanegenejin, oo‐oo keëzhechegad.