PSALMS 21 - Ottawa New Testament Penteteuch and Psalms 1874

¹ Owh Keche‐oogemah oogahmoojegezetaun kemushkahwezewin, O Jehovah: kuhya oogahkeche‐wahwezhandaun kebemahjeëwawin.

² Kegemeenah ewh kahnundoodung emuh oodaïng: kah dush kegeähgoonwatuhwahse ewh kahnundoodung emuh oodooning.

³ Chepwah nundoodung kemeenah enewh kesha‐wahdezewine‐shahwandahgoozewinun: kegepesekuhmoowah ewh wanesheshing oozahwah‐shooneyah‐oogemahwewuhquaun emuh ooshtequauning.

⁴ Kegenundooduhmaug bemahdezewin, kegemeenah dush: chebemahdezid kahgenig kuhya kahgenig.

⁵ Keche‐peshegandahgooze suh kebemahjeëwawin oonje: kegepuhgedenuhmahwah kechetwahwezewin kuhya oogemahwandahgoozewin.

⁶ Kegeähsah emuh shahwandahgoozewining kahgenig: kegeëzheäh chekeche‐moojegandung kishkeenzhegoon oonje.

⁷ Oodahpanemaun owh Keche‐oogemah enewh Jehavahun: shahwanemegood dush ween enewh kache‐ishpandahgoozenejin Kesha‐Muhnedoon kaöonje‐soongekahbahwid chemahmahjeähsewindebun.

⁸ Kegahmekahwaug suh kuhkenuh egewh shaunganemikig keneenjeen ahyooyun: kegahmekahwaug egewh shaunganemikig kekecheneenj ahyooyun.

⁹ Debishkoo kashahbeketag puhquazhegunekaun, kegahezheäug uhpe nashkahdezeyunin: Jehovah oogahchaugahgoonduhwaug apeech kanishkahdezid, kuhya tahchaugahkezoowug emuh ishkootang.

¹⁰ Kegahbahnahjetahwaug oomenewinewaun cheahtasenenig emuh uhkeeng: kuhya oominekaunewah emuh anduhzhe ahyahnid oonejahnesewaun egewh enenewug.

¹¹ Keënanduhmoog mah chemujje‐doodookwah: oogenahnahgahdahwandahnahwah mujje‐nahnahgahdahwanduhmoowin, kah dush kekushkeöosewug chetakezhetoowaud.

¹² Kegahahsaug debishkoo pemoojeguning, chepemoondwah: medush kawahwazhetooyun enewh kenwaukwun chepemwudwah.

¹³ Kegahkechetwahweëgoo emuh kemushkahwezewining, O Jehovah: medush chenuhguhmootahgooyun, kuhya chewahwezhanduhmaung kemushkahwezewin.