PSALMS 20 - Ottawa New Testament Penteteuch and Psalms 1874

¹ Mahnoo kegahbezindaug Jehovah uhpe uhyahnemezeyunin: Ookesha‐Muhnedoomun owh Jacob kegahguhnuhwanemik.

² Ookechetwah‐ahnuhmeäweguhmigoong kegahpeöonje‐weedookaug: kuhya Zioning kegahoonje-mushkahweïk:

³ Oogahmequandahnun kuhkenuh kemeegewawinun: kuhya oogahmenoo‐oodahpenaunun enewh chuhyahgedagin kesahsahgewejegunun;

⁴ Kegahmeenik ewh nanduhwanduhmun emuh kedaïng: kuhya oogahdebishkoosetoonun kuhkenuh kedenanduhmoowinun.

⁵ Kebemahjeëwawin suh ningahoonjemoojegezemin, kuhya emuh oodezhenekahzoowining Kekesha‐Muhnedoomenaun ningahoombahkoobenaunin nekekewaöonahnin: mahnoo Jehovah oogahdebishkoosetoonun kuhkenuh kenundoodahmahgawinun.

⁶ Zhuhyegwah dush nekekandaun ewh Jehovah chebemahjeäud enewh kahnuhmuhkoonahjin oogahbezindahwaun dush ewede ishpeming kezhegoong emuh atag menoo‐ezhewabezewin: ewh azhemenoo-mushkahwenikad.

⁷ Ahnind oodahpanemoonahwah oodahbahnun ahnind dush oodahpanemoonahwah papazhegoogunzheen: nenuhwind dush ween ningahmuhmequandahmin oodezhenekahzoowin owh Jehovah ne‐Kesha‐Muhnedoomenaun.

⁸ Keneswabenegahzoowug oogoo, kekahwesawug: nenuhwind dush ween nepuhsegwemin, kuhya nequuhyukookahbahwemin.

⁹ Bemahjeëwan, O Jehovah, mahnoo ningahbezindahgoonaun owh Keche‐oogemah uhpe kanoonegooyunin.