PSALMS 2 - Ottawa New Testament Penteteuch and Psalms 1874

¹ Ahnishwin keche‐nishkahdezewaud egewh anuhmeähsegoog weedookuhdahdewaud: kuhya dush egewh ahnishenahbag ahnishwin nahnahgahdahwanduhmoowaud kuhkebahdezewin?

² Uhkeeng duhzhe oogemaug uhyeenduhbeëdezoowug, kuhya tabahkoonegajig mahmahwe‐kahkekedoowug: chemeegahnahwaud enewh Jehovahun kuhya enewh oo‐Christemun, oo‐oo dush ekedoowaud.

³ Umba puhkebetoodah ootuhkoobejegunewaun: wabenundah dush oodoosuhbaubemewah.

⁴ Owh andaud ewede ishpeming oogahbahpeäun enewh: kuhya owh Tabaningad oogahneshebahpenuhdahwaun.

⁵ Me‐dush uhpe chekuhnoonaud magwah niskahdezid: kuhya oogahsagemaun apeech kanishkanemaud enewh.

⁶ Neen dush ween ningahahsah nindoogemaum: nekechetwah‐wahjewing Zion aduhming.

⁷ Ningahwahweendaun ewh enahkoonegawin: oo‐oo ningeïk Jehovah, wingwis suh kedow, noongoom kezheguk kegeöogwissemin.

⁸ Nundoodahmahweshin, kegahmeenin dush ahnooj azheweenzoojig ahnishenahbag chedebanemudwah: kuhya anegookekummegaug uhkee chedebanduhmun.

⁹ Kegahoogemahkundahwaug egewh, pewahbikoo oogemah‐suhkuhoon ahyooyun: kegahpegoobeäug debishkoo owh wanahgunekad andoodahwaud oodoonahgunemun.

¹⁰ Mahnoo dush nebwahkahyook oogemahmedoog: kuhya nunduhwanduhmook chekekenooähmahgoozeyag kenuhwah uhkeeng duhzhe tabahkoonega‐weneneweyag.

¹¹ Emuh sagezewining azhebuhmeetahwik owh Jehovah: kuhya nuhningishkahwining ezhemoojegezetuhwik.

¹² Umba oojeemik owh Wagwissemind, koonemah tahgenishkahdeze, kenuhwah dush kedahgebahnahdezeem oonje meekunaung: wuhyebah mah tahpiskunane oonishkahdezewin; shahwandahgoozewug kuhkenuh egewh apanemahjig enewh.