PSALMS 19 - Ottawa New Testament Penteteuch and Psalms 1874

¹ Wahweendahmahgamahgud suh keezhik ewh azhepezhegandahgoozid Kesha‐Muhnedoo: kuhya mezhuh‐kezhik wahbundahewamahgud azhewahweengazid gagoo wazhetoojin.

² Kezhegudoon kuhnoonindemahgudoon kuhnoonindewinun: kuhya tebikudoon wahbundahedemahgudoon ewh kekanjegawin.

³ Kahween duhgoomahgussenoon gagoo kekedoowin gamuh gagoo inwawin: kah suh noondahgoozemahgussenoon.

⁴ Oodebahjemoowinewaun keëzhahmahgudoon emuh anegookookummegaug uhkee: kuhya oodekedoowinewaun keëzhahmahgudoon emuh wuhyaquahkummegaug uhkee.

⁵ Me emuh keähtood wegewaum cheähyaud kezhike‐kezis owh suhyahguhung debishkoo nuhaungisheeng emuh oonje oodahbenahsoowining; kuhya moojegeze debishkoo mashkahwezid enene chekuhgwajekuzzhewad ewh kuhgwajekunedewin.

⁶ Wahyaquaug suh keezhik oonje‐sahguhum, kuhya kewetaushkah nahnauzh ezhekewamahguk emuh wuhyaquaug: kuhkenuh uhyeëen kezhetanoon apeech kezhahtag.

⁷ Kahween mahnahdussenene ootebahkoonegawin owh Jehovah, mesuh wanje‐aunjeïnd oojechaugoomah: oodebahjemoowin owh Kesha‐Muhnedoo keche‐soongunene mesuh wanjenebwahkahindwah egewh kakebahdezejig.

⁸ Oodenahkoonegawinun owh Jehovah quuhyukwudenewun mesuh wanje‐moojegezemahguk oodaemah: ookuhgequawin owh Jehovah kechepeenudene mesuh wanjewahbemahguk ooshkinzhegoomah.

⁹ Peenudene ookoosigoowin owh Jehovah, kahgenig dush tahduhgoomahgud: Jehovah ootebahkoonegawinun mahmahwe‐dabwamahgudenewun, kuhya quuhyukwudenewun.

¹⁰ Ahwahshema nundahwandahgwudoon suh dush ween oozahwah‐shooneyah, aahe nebewah wanesheshid oozahwah‐shooneyah: ahwahshema wishkoobunoon dush ween ahmoo‐sinsebahquud, kuhya ahmoo‐weguhmigoon.

¹¹ Kebuhmeetahgun ookuhgaunzemegoon enewh: keche‐shahwandahgoozewug egewh ganuhwandungig.

¹² Ahwanan katakekandung enewh oomujje‐ezhechegawinun: peeneëshin dush enewh kahmoodukkin mujje‐ezhewabezewinun.

¹³ Guhnuhwanim kebuhmeetahgun enewh min wahdanemoowine‐mujje‐ezhewabezewinun, cheöonje buhmetunsewaun enewh: me dush kaöonjemenoo-ezhewabezeyaun ezhechegasewaun ewh kache kuhgwahnesuggandahgwuk mujje‐ezhewabezewin.

¹⁴ Mahnoo tahminwandahgwudoon enewh nekekedoowinun azhekekedooyaun emuh nindooning, kuhya enewh nenahnahguhdahwanduhmoowinun azhenuhnahgahdahwanduhmaun emuh nindaïng, emuh anahsuhmeyun: keen, O Jehovah, nemushkahwezewin ahyahweyun, kuhya Bamahjeëyun.