PSALMS 18 - Ottawa New Testament Penteteuch and Psalms 1874

¹ Kegahsahgein, O Jehovah, nemushkahwezewin ahyahweyun; Jehovah nindahzhebikoom ahwe, kuhya neguhnuhwanemegoowin: owh Bamahjeïd, ne‐Kesha‐Muhnedoom, nemushkahwezewin apanemooyaun nepahpahquaun, bamahjeëwamahguk nindashkun, kuhya owh azhenezhemooyaun ahwe.

² Ningahahnuhmeätuhwah owh Jehovah, anandahgoozid chemahmooyahwuhmind: mesuh kaöonjemahmahzheësigwah egewh mahgahzhejig.

³ Ewh wahsuhgandahgwuk neboowin ningeöodissegoonahbun: kuhya apeech mooshkuhung ewh mujje‐ezhewabezewin ningeöonjesagiz.

⁴ Ningenuhgwahnegoonun ahnahmahkummig duhzhe nahgwahgunun: kuhya ningeühdemenegoonun neboowine‐nuhgwahgunun.

⁵ Uhpe katemahgezeyaunin ningahahnuhmeätuhwah owh Jehovah: kuhya ningahnuhnaundoomah ne‐Kesha‐Muhnedoom.

⁶ Mesuh kabezindung nindahnuhmetahgoozewin emuh ookechetwah‐ahnuhmeä‐weguhmigoong: oogahoodissegoon suh nenundahwanduhmoowin, pooch emuh ootuhwuhgaung tahpeendegamahgud.

⁷ Kenuhningishkahmahgud ewh uhkee kuhya kecheengwakummegah: pooch enewh wahjewun kekeche‐nuhningishkahmahgudoon, kuhya kemahmahjemahgudoon oonje kenishkahdezid owh Kesha‐Muhnedoo.

⁸ Emuh oonishkahkezewining keöonjepuhquana: kuhya chuhyahgezewamahguk ishkooda keöondahkitta emuh oonje oodooning kesuhkuhegahdanoon enewh uhkuhkunzhan emuh.

⁹ Oogedahbussetoon ewh kezhig, kepenesaunduhwa dush: kekushke‐tebekud dush emuh ahnahmesit.

¹⁰ Oogepemebuhegoon enewh angenun, kepemesa dush: aahe kepemesa azhepemesamahguk ewh noodin.

¹¹ Emuh akoo kushketebekuk kekahzoo debishkoo emuh keemoodezewining: ooweegewaum kahoowegewahmid mesuh makuddawahgummeeg nebee, kuhya akoo muhkuddawahnuhqwuk ewede kezhigoong.

¹² Oonje kachewahsayahnig anahsuhmid wahowh kewabahsinenewun enewh oodahnuhquudoomun: kesasagun dush kuhya kepungesinoon enewh ishkootawine‐ahkukkunzhan.

¹³ Kenoondahgoozewun oodahnemekeemun owh Jehovah ewede kezhigoong, kuhya owh mahyahmahwe‐mashkahwezid kemuhtwa‐kekedoo: kesasagun, kuhya kepungesinnoon enewh ishkootawine‐ahkuhkunzhan.

¹⁴ Oogepeemoojeganun ookeenwahqwunun, kesuhswanahzhahwaud edush: oogepuhgij‐wabenahnun enewh oowahwahsuhmoowinun kemahmauzheaud dush enewh.

¹⁵ Kewahbunjegahdanoon enewh tuhkeebeen, kuhya enewh minjemoosechegunun wanje‐minjemoosing maunduh uhkee ketawahbunjegahdanoon uhpe kenuhneebikingayun, O Jehovah: apeech kenishkahje‐pootahjegayun.

¹⁶ Tahahnookee ewede ishpeming ahweyah chepeöodahpenid: cheähgwahbenegooyaun oonje nebewah nebeen.

¹⁷ Mesuh owh kahmeetahgwanemuhwid owh mashkahwezid shaunganemid, kuhya kuhkenuh egewh shaunganemejig: ahwahshema mah mushkahwezewug dush ween neen.

¹⁸ Ningenuhquashkahgoog ewh kezheguk uhpe keähnemezeyaun: ningeweedookaug dush ween owh Jehovah.

¹⁹ Ningeëzhewenik emuh akoo‐munguhtakummegaug uhkee: ningeëkoonik oonje sahgeïd.

²⁰ Ningeshahwanemik owh Jehovah debishkoo anandahgwuk nemenoo‐ezhewabezewin: ningemenoodoodaug oonje kepeenuk neneenjeen.

²¹ Ningeguhnuhwandahnun suh oomeekunun owh Jehovah; kah dush ningemujje‐nuhguhnahse ne‐Kesha‐Muhnedoom.

²² Anahsuhmeyaun mah keduhgoomahgudenewun ootebahkoonegawinun: kah dush ningahwabenunsenun enewh ookuhgequawinun.

²³ Ningemenoo‐ezhewabiz mah emuh anahsuhmid: kuhya ningemeewetoonun nemujje‐ezhewabezewinun.

²⁴ Mesuh kahoonje‐shahwanemid Jehovah debishkoo anandahgwuk nemenoo‐ezhewabezewin: debishkoo azhepeenuk neneenjeen emuh anahsuhmid.

²⁵ Uhpe wahjewudwahnin egewh shawanjegajig kegahkekandahgooz shahwanjegayun: uhpe dush wahjewudjin owh manoo‐ezhewabezid, kegahmenoo‐ezhewabiz.

²⁶ Uhpe wahjewudjin owh pahnezid kegahkekandahgooz ewh peenezeyun: kegahmegahnah dush ween owh ahyahgoonwatung.

²⁷ Kegahbemahjeäug mah egewh quatuggandungig ahnishenahbag: kuhya kegahdahbussetoonun enewh manwahdanemoomahgukkin ooshkinzhegoomaun.

²⁸ Kegahpiskunatoon mah newahsuhkoonanjegun: owh Jehovah ne‐Nesha‐Muhnedoom oogahaunjetoon nepesuhgishkezewin chewahsayaug.

²⁹ Keen mah weedookahweyun ningeöonjeshahgoojeäug nebewah waqueenoojig: weedookahwid dush ne‐Kesha‐Muhnedoom ningahoonjepahzhetahaun ewh wahkahegun.

³⁰ Kesha‐Muhnedoo suh oomeekun kagate kepeenudene: kekanjegahda Kesha‐Muhnedoo oodezhewabezewin: ooguhnuhwanemaun kuhkenuh enewh apanemegoojin.

³¹ Ahwanan suh Kasha‐Muhnedoowid, Jehovah atuh: ahwanan ahzhebik ahyahwid me atuh Kekesha‐Muhnedoomenaun?

³² Kesha‐Muhnedoo nindausswahpenik ewh mushkahwezewin: kuhya ooquuhyukwahmootoon nemeekun.

³³ Oodezhetoonun nesittun debishkoo wahwaushkash oosittun: kuhya nenuhmuhduhbeïk ewede ishpeming.

³⁴ Nekekenooähmaug suh chemegahzooyaun neneenjeen ahyooyaun: mesuh wanjekushketooyaun chepegoobetooyaun ewh pooch muhnedoo‐wahbikoo-metikwaub apeech mushkahwenikayaun.

³⁵ Kuhya kegemeezh ewh kepahpahquaun bamahjeëwamahguk: ningepemeähsenegoon dush kekechenik, kuhya ningekechetwahweëgoonun kekeche‐shahwanjegawinun.

³⁶ Kegemunguhdatuhmow ewh chemenoo‐tuhkookeyaun cheöonje‐oozhahshinsewaun ningooche azhahyaunin.

³⁷ Ningahnoosoonawaug egewh mahgahzhejig kah dush ningekewase nahnauzh kuhkenuh ketabahnahjeïndwah.

³⁸ Ningemahkegunahmaug chepwahnuhwetoowaud wenebahwewaud: kepungeshinoog emuh ahnahmuhyeëe nesittun.

³⁹ Kegeähyauswahpezh ewh mushkahwezewin cheöonje‐megahzooyaun: kegemahmauzhetuhmow egewh kahpemegahzhejig.

⁴⁰ Kegepuggedenuhmow chetuhtuhkookahduhmaun ooquagunewaun egewh mahgahzhejig: cheoonje‐bahnahjeügwah egewh shaunganemejig.

⁴¹ Kepepahgewug, kah dush ahweyah oogebemahjeëgoosewaun: oogennhnaundoo mahwaun enewh Jehovahun, kah dush kenuhquatunsewun.

⁴² Ningepesebenaug debishkoo weyuggussang cheëzhewabahshewaud: ningesahgeje‐wabenaug debishkoo wahzhushkeeng emuh meekunaung.

⁴³ Kegeëkoonow emuh oonje megahzhewaud egewh ahnishenahbag: kegeënakkoonega neen cheoogemahkundahwugwah egewh mayug‐ahnishenahbag.

⁴⁴ Ningahbuhmeetahgoog ahnishenahbag: kahkekanemahsewugebuneeg.

⁴⁵ Uhpe nwaunduhmoowaud ningahbezindahgoog egewh dush mayuggezejig wanejahnesemindjig tahkuhkenuhwishkewug kuhnoozhewaud.

⁴⁶ Tahchahgenawun mayugezejig oonejahnesewaun: kuhya apeech sagezewaud tahsahgahuhmoog emuh oonje anduhzhe‐kahzoowaud.

⁴⁷ Bemahdeze Jehovah, kuhya tahmahmooyahwahmah owh nindahzhebikoom ahyahwid: tahwahwezhanemah dush owh Kesha‐Muhnedoo bamahjeïd.

⁴⁸ Mesuh owh Kesha‐Muhnedoo kanuhnahqueed menik maje‐doodahgooyaunin: kuhya mamauzheäud ahnishenahban cheöogemahkundahwugwah.

⁴⁹ Mesuh owh matahgwanuhmoowid egewh shaunganemejig, kuhya kedoombenaun neyow nahwuj cheïshpandahgoozeyaun dush ween egewh mahgahzhejig: kegeguhnuhwanim chemahmauzheësig owh maje‐doodahgad enene.

⁵⁰ Mesuh kaöonjemahmooyahwahmenaun, O Jehovah, emuh magwa mahyug‐ahnishenahbag: kuhya ningahnuhgummootaun kedezhenekahzoowin.

⁵¹ Ookeche‐bemahjeäun enewh oodoogemahmun: ooshahwanemaun dush Davidun mesuh enewh kahnuhmuhkoonahjin, kuhya oonejahnesenene kahgenig.