PSALMS 17 - Ottawa New Testament Penteteuch and Psalms 1874

¹ Bezindun ewh quuhyukwuk, O Jehovah, nahnahgahdahwandun nenuhneenuhwetahgoozewin: kuhya bezindun nindahnuhmeähwin, kah mah kuhkenuhwishkemahgussenoon nindoon wanjesahguhummoomahguk.

² Mahnoo netebahkoonegoowin tahoonjeemahgud ewede anduhzhe‐ahyahyun: kuhya mahnoo kegahguhnuhwahbundaun ewh quuhyukwuk, kishkeenzhegoon ahyooyun.

³ Kegekekandaun kuhya kegepenaunzekaun ninda magwah tebekuk: kegenundahkekanim, kah dush gagoo mujje‐uhyeweesh kegemekunse emuh neyowing: ahpeche mah nindenandum kuhnuhga wemujje‐kekedoomahgussenook nindoon.

⁴ Oonje enenewug oodahnookeewinewaun kedekedoowinun keguhnuhwanduhmaun: ningeöonjeguhnuhwanindiz cheëzhahsewaun emuh oomeekunahwaung egewh banahjeëwajig.

⁵ Takookeeyaun ningebemoosa emuh kemeekaunsing: kah dush ningepukkedashinse.

⁶ Kegeähnuhmeätoon, O Kesha‐Muhnedoo kegahnahquatow mah: bezinduhweshin chenoonduhmun nindekedoowinun.

⁷ Wahbunduheshin ewh mamaundahwuk keshahwanjegawin, keen bamahjeüdwah egewh duhyabwayanemikig: chebahnahjeëgoosigwah enewh mahgahduhmenejin, kekechenik.

⁸ Guhnuhwanemeshin debishkoo azheguhnuhwanjegahdag ooshkeenzhegoomah: kahzheshin emuh ahnaum keningweguning.

⁹ Oonje egewh anuhmeähsegoog maje‐doodahwejig: nekewetahkahbahwetahgoog egewh shaunganemejig weneshewaud.

¹⁰ Keche‐weninoowaud wanje‐minwahdanemoowaud: kechetwahwanemoowining suh ezhekekedoowug.

¹¹ Uhyeduhwuhyeëe nekewetahkahbahwetahgoonahnig: uhkeeng enahbewaud.

¹² Debishkoo mezhebeshe azheäumwaud enewh kahnesahjin: kuhya debishkoo mezhebesheense azhekahzood emuh keemoodezewining.

¹³ Puhsegween, O Jehovah, ahnookeen cheäunwawezid, kuhya niswabin: bemahjeëshin cheneshesig owh anuhmeähsig kedahzhahwashkoom ayooyun.

¹⁴ Chebahnahjeësigwah egewh enenewug keneenj ayooyun chebahnahjeësigwah, nindekid, egewh enenewug, kuhya maje‐ezhewabezejig: egewh kahmeenudjig ootebenuhwawezewinewaun oomuh uhkeeng; egewh ashummudjig enewh kahmoodukkin kedahksunjegoowinun nahnauzh tabesinnewaud: nebewah ahbenoojeün oodahyahwahwaun, kuhya oonuhguhduhmoowahwaun oonejahnesewaun enewh ootebenuhwawezewinewaun.

¹⁵ Neen dush ween, kegahmechewahbuhmin emuh quuhyuk ezhewabezewining: ningahtabeganim uhpe quashkooseyaun azhenahgoozeyaun debishkoo keen azhenahgoozeyun.