PSALMS 148 - Ottawa New Testament Penteteuch and Psalms 1874

¹ Hallelujah. O mahmooyahwahmik Jehovah ishpeming oonje: ewede keche‐ishpeming oonje mahmooyahwahmik.

² Mahmooyahwahmik kuhkenuh kenuhwah oodangenemun ayahweyag: mahmooyahwahmik kuhkenuh kenuhwah waqueenooyag.

³ Mahmooyahwahmik kezis kuhya tebike‐kezis: mahmooyahwahmik kuhkenuh ahnungoodoog.

⁴ Oogahmahmooyahwuhmegoon kezhig: kuhya enewh neebeen ewede kezhigoong ayaugin.

⁵ Mahnoo oogahmahmooyahwahgandahnahwah Jehovah oodezhenekahzoowin: keëkedoo dush cheoozhechegahdag, keöozhechegahdanoon dush.

⁶ Oogeühyeenjesittoonun kahgenig uhpena kahgenig cheduhgoomahguk: oogeähtoon tebahuhkee‐kekenoowahjechegun kakuhbekahjegahdasenook.

⁷ Mahmooyahwahmik Jehovah: uhkeeng duhzhe keche‐kenabegoodoog kuhya keche‐kechegummeedoog.

⁸ Oogahmahmooyahwuhmegoonun ishkootan kuhya sasagun: koon kuhya puhquanawin: keche‐nootin ewh azhechegamahguk ween anandung.

⁹ Wahjewun kuhya kuhkenuh wahjewansun: mahnewenejin metigoon kuhya kuhkenuh kezhikun.

¹⁰ Pahgwujahwaseün kuhya kuhkenuh ahwahkaunun: pamoodanejin, kuhya pabahmesanejin penasheün.

¹¹ Uhkeeng duhzhe keche‐oogemaug kuhya ahnooj‐azheweenzoojig ahnishenahbag: oogemaug kuhya kuhya kuhkenuh tebahkoonega‐wenenewug oomah uhkeeng.

¹² Ooshkenuhwag kuhya ooshkenegequag: kewanzeyug, kuhya ahbenoojeüg.

¹³ Kuhkenuh oogahmahmooyahwahgandahnahwah Jehovah oodezhenekahzoowin: ween mah atuh oodezhenekahzoowin keche‐ahpeetandahgwudene, kuhya nahwuj ishpandahgwudene oopezhegandahgoozewin dush ween kezhig kuhya uhkee.

¹⁴ Oogeöombenuhmahwaun oodahnishenahbamun oodashkunene, chewahwezhanememind kuhkenuh enewh anuhmeätahgoojin: enewh oonejahnesun Israel ahnishenahban nahwuj pashoo‐wahjewegoojin. Hallelujah.