PSALMS 147 - Ottawa New Testament Penteteuch and Psalms 1874

¹ Mahmooyahwahmik Jehovah, oonesheshin mah chemahmooyahwahmung keKesha‐Muhnedoomenaun: minwandahgwud mah, kuhya minwahbuhmenahgwud wahwezhanduhmoowin.

² Jehovah oodoozhetoon Jerusalem: oomahwundoonaun enewh Israel oowabenegunun.

³ Oomenoodaääun enewh magooshkahjedaänejin: oosinsoopenaun enewh.

⁴ Ooduhgemaun ahnungoon: kuhya oomeenaun kuhkenuh oodezhenekahzoowinewaun.

⁵ Keche‐ahpeetandahgooze Tabanemenung kuhya keche‐mushkahweze: mahmahwe‐nesittootahga.

⁶ Jehovah oodoombenaun enewh agahsanemoonejin: kuhya ooniswabenaun enewh maje‐ezhewabezenejin emuh metushkuhkummig.

⁷ Nuhguhmootahwik Jehovah: Maymooyahwahmik Kesha‐Muhnedoo muhtwawajegayag.

⁸ Mesuh owh agwahnahung kezhig enewh ahnuhquudoon: owh wahzhetood kemewunahboo chekemewung oomah uhkeeng, owh wanje‐mezhushkookaug emuh wahjewing.

⁹ Owh ashummaud ahwahkaunun: kuhya enewh kahgahgeensun masittahgoozenejin.

¹⁰ Kahween oominwanduhseen papazhegoogunzhe oomushkahwezewin: kah kuhya oobahmanduhsenun enene ookaudun.

¹¹ Jehovah oominwanemaun enewh quasegoojin: kuhya enewh apanemoonejin ooshahwanjegawin.

¹² O Jerusalem, wahwezhanim Jehovah: wahwezhanim keKesha‐Muhnedoom, O Zion.

¹³ Oogemushkahwesetoonun mah enewh kedahpahkuhgunun emuh kekeche‐ishquaundaming: oogeshahwanemaun kegwissun peendig oodanaung.

¹⁴ Oopezaunesetoon keduhkeem: kuhya kedahshummik wanesheshid buhquazhegun.

¹⁵ Oopuggedenaun ookuhgequawin oomah uhkeeng: keche‐kezheekah‐buhtoomahgudene oodekedoowin.

¹⁶ Oomeegewan koon debishkoo mahnishtahneshe‐pewuying: kuhya uhpe wuhyahbekudingin tahnahsug suhwawabenung peengween.

¹⁷ Oopuggedenaun oomeequumeensemun debishkoo pewunjegunun: ahwanan kanebahwid uhpe anahkoonegad chekeche‐kissenaug.

¹⁸ Uhpe anahkoonegad cheningezoong, mesuh azhewabuk: ween oopuggedenaun chenooting, mesuh wanje‐shahgegummewung.

¹⁹ Oowahbundahaun Jacobun oodekedoowin: kuhya Israelun ootebahkoonegawinun kuhya ookuhgequawinun.

²⁰ Kahween wekah oo‐oo oogedoodahwahseen pukkaun‐azheweenzoonejin ahnishenahban: kah kuhnuhga mayug‐ahnishenahbag ookekanduhsenahwah ootebahkoonegawinun. Hallelujah.