PSALMS 145 - Ottawa New Testament Penteteuch and Psalms 1874

¹ Kegahwahwezhanemin ne Kesha‐Muhnedoom, O Keche‐oogemah: kuhya ningahwahwezhandaun kedezhenekahzoowin kahgenig kuhya kahgenig.

² Andussoo‐kezhig kegahwahwezhanemin: kuhya ningahwahwezhandaun kedezhenekahzoowin kahgening uhpena kahgenig.

³ Kechetwahwandahgooze Jehovah kuhya tahkeche‐mahmooyahwahmah: kahween ahweyah oogahtanesittootunse ookechetwahwezewin.

⁴ Egewh ahyahneka bemahdezejig tahwahweendahmahdewug kedahnookeewinun azhewahwezhandahgwuk: kuhya oogahdebahdoodahnahwah kekeche‐ahnookeewinun.

⁵ Neen ningahdebahdoodaunun ewh kachetwahwandahgwuk kedoogemahwandahgoozewin: kuhya mamaundahwukkin kedahnookeewinun.

⁶ Enenewug oogahdebahdoodahnahwah ezhemushkawezemahguk enewh quatahmegwukkin kedahnookeewinun: neen dush ween ningahdebahdoodaun kekechetwahwezewin.

⁷ Chemequanjegahdag buhyahteënuk kekeshawahdezewin tahoonjekekedoowug: kuhya tahnuhguhmoowug debahdooduhmoowaud kequuhyukwahdezewin.

⁸ Shahwanjega kuhya ketemahganjega Jehovah: zebiskahje‐kedahzoo, kuhya keche‐keshawahdeze.

⁹ Jehovah ooshahwanemaun kuhkenuh bamahdezenejiu: kuhya ooshahwandaunun kuhkenuh oodahnookeewinun.

¹⁰ O Jehovah kemahmooyahwuhmegoog kuhkenuh kahoozheüdjig: kuhya kewahwezhanemegoog kuhkenuh egewh anuhmeätookig.

¹¹ Oowahweendahnahwah azhepezhegandahgwuk kedoogemahwewin: kuhya oodebahdoodahnahwah kemushkahwezewin.

¹² Enenewug chekekanduhmooïndwah azhemushkahwezemahgudenig oodezhechegawinun: kuhya azhepeshegandahgwudenig oodoogemahwewin.

¹³ Kahgenig ahpena kahgenig tahduhgoomahgud kedoogemahwewin: kuhya kekeche‐oogemahwandahgoozewin menik kaähneka‐bemahdezing.

¹⁴ Jehovah oopemeähsoonaun kuhkenuh enewh wahpungeshinenejin: oodoombenaun kuhkenuh enewh nawatahnejin.

¹⁵ Keguhnuhwahbuhmegoog kuhkenuh: kuhya kedahshummaug ubpe dabishkoosanig cheähshummindwah.

¹⁶ Kepahsahgineenjin: kuhya ketabesineäug kuhkenuh bamahdezejig.

¹⁷ Jehovah menoo‐ezhewabeze emuh kuhkenuh oodezhechegawining: kuhya shahwanjega emuh kuhkenuh oodahnookeewining.

¹⁸ Jehovah pashoo oopenaunzekahwaun kuhkenuh enewh nanaundoomegoojin: kuhkenuh nanaundoomegoojin emuh dabwawining.

¹⁹ Oogahdoodahwaun enewh quasegoojin debishkoo nunduhwanduhmenid: kuhya oogahbezindaun oodahyahshequawinewaun kuhya oogahbemahjeäun enewh.

²⁰ Jehovah ooguhnuhwanemaun kuhkenuh enewh suhyahgeëgoojin: kuhya oogahbahnahjeäun kuhkenuh enewh maje‐ezhewabezenejin.

²¹ Ningahdebahdoodaun oowahwezhanemegoowin owh Jehovah nindoon kaähyooyaun: kuhya kuhkenuh wahyausewejig kahgenig kuhya kahgenig oogahwahwezhandahnahwah kachetwahwandahgwudenig oodezhenekahzoowin.