PSALMS 144 - Ottawa New Testament Penteteuch and Psalms 1874

¹ Tahmahmooyahwahmah Jehovah nindahzhebikoom: owh kakenooähmahwid ewh megazoowin.

² Neshahwanemegoowin, swaungung newahkahegunim, ashpaug nindahwin kuhya owh bamahjeïd: nepahkahquaun: owh apanemug, owh mamauzheahmahwid nindahnishenahbamun.

³ Jehovah ahneen anandahgoozid enene chekekanemudebun: gamuh enene oogwissun chebahmanemudebun?

⁴ Debishkoo ningood anahbuttussenoog uhyeëeng enandahgooze enene: debishkoo ahgahwahtashemoowining ezheüugwahnahgwudenewun ookezhegudoomun.

⁵ Dahbussetoon kekezhigoom, O Jehovah, kuhya penesaunduhwan: taunginun enewh wahjewun cheoonjepuhquanag.

⁶ Tahwahwahsuhmoowug ahnemekeeg cheöonjesuhswawabenindwah: pemoojegan enewh kekeenwaukoomun cheöonjesagemindwah.

⁷ Ishpeming oonje puggedenun keneenjeen: metahgwanemooweshin nebewah seebeen, kuhya ooneenjewaun egewh mayug‐ahnishenahbag.

⁸ Kuhkebahje‐kezhwawug oonje oodoonewaung: kuhya wuhyazhingamahgudene ookeche‐neenjewaun.

⁹ O Kesha‐Muhnedoo kegahnuhguhmootoon ooshke‐nuhguhmoowin: kuhya kegahmuhtwawatuhmoon ewh keche‐muhtwawajechegun.

¹⁰ Mesuh owh bamahjeäud enewh keche‐oogemaun: owh matahgwanduhmooäud oobuhmeetahgun David mujje‐ahzhahwashkoon.

¹¹ Metahgwanemooweshin enewh ooneenjewaun egewh mayug‐ahnishenahbag: kakebahje‐kezhwajig emuh oodoonewaung, kuhya wuhyazhingamahgudene ookecheneenjewaun.

¹² Ningwissenahnig chemahjegewaud magwah ooshkenegewaud debishkoo mushkoosewining: nindahnesenahnig debishkoo wuhyaquahyahbikee‐ahsineeg swaushkahchegahzoojig cheähsindwah emuh keche‐ahnuhmeä‐weguhmigoong.

¹³ Chemooshkenag nemejemiguhmegoonahnin ahnoonj doowah meejim: nemahnishtahnisheminenahnig chenegeähwaud keche‐nebewah duhching metauswauk mahnishtahnisheensun mahyahwekunah emuh nindoodanahnaung.

¹⁴ Chemushkahwezewaud nindahnooke‐pezhekeminahnig, gagoo chebahnahdussenook gamuh chewuhnahdussenook: cheduhgoomahgussenook ketemahgetahgoozewin emuh kedoodanahwenaung.

¹⁵ Shahwandahgoozewug suh egewh ahnishenahbag oo‐oo azheähyahjig: shahwandahgoozewug ahnishenahbag waKesha‐Muhnedoomahjig Jehovahun.