PSALMS 143 - Ottawa New Testament Penteteuch and Psalms 1874

¹ Bezinduhmahweshin nindahnuhmeäwin Jehovah, kuhya nahnahgahdahwandun nenundoodah mahgawin: bezinduhweshin emuh kedabwawining kuhya emuh kequuhyukwahdezewining.

² Kagoo dush tebahkoonahkan kebuhmeetahgun: kah mahween emuh enahsuhmuhbeyun tahtaquuh-yukwahdezese ahweyah bamahdezid.

³ Owh mah shaunganjegad oonoosoonawaun ninjechaugwun, oobahnahzekaun nebemahdezewin ewede uhkeeng: nindahsik emuh akoo‐kushketebekuk, debishkoo egewh maweshah kahneboojig.

⁴ Mesuh wanjemegooshkahdandung ninjechaug peenjenuh neyowing: kushkanduhmoomahgud suh ninda emuh neyowing.

⁵ Nemequandaunun kuhyet kezhegudoon, nenahnahgahdahwandaunun kuhkenuh kedahnookewinun: anuhnookeemahguk keneenj nenahnahgahdahwandum.

⁶ Kesheebeneenjetoon, ninjechaug kemuhmeedahwanemik: debishkoo kashkebahgwamahguk uhkee azhenundahwanduhmoomahguk chekemewung.

⁷ Waweeb nuhquatuhweshin, noondashin suh ninjechaug, kagoo kahdoomahweshekan kishkinzhegoon: koonemah nindahgeëzhewabiz debishkoo azhewabezewaud egewh paunjesajig emuh wahne kauning.

⁸ Noongoom ningahnoondaun keshahwanjegawin kakezhabahwahgukkin, kedahpanemin mah: kekenooähmahweshin ewh meekun kaënebemoosayaunbaun: nindoombenah mah ninjechaug keen anuhkuhkayah.

⁹ Kediskeëshin Jehovah oonje egewh shaunganemejig: kenahzhenezhemin chekahzooëdezooyaun.

¹⁰ Kekenooähmahweshin cheëzhechegayaun ewh azhenunduhwanemeyun, keen mah kedow neKesha‐Muhnedoom: oonesheshe suh kejechaug, mahnoo ningahsuhgahbeginik emuh zhangahkummegaug uhkeeng.

¹¹ Bemahjeëshin, O Jehovah, oonje kedezhenekahzoowin: kuhya kediskewh ninjechaug oonje oojahnemezewining, oonje kequuhyukwahdezewin.

¹² Kuhya emuh keshahwanjegawining kegahbahnahjeäug egewh shaunganemejig: kuhya kegahnesaug kuhkenuh egewh magooshkahjeähjig ninjechaugwun, kebuhmeetahgun mah nindow.