PSALMS 142 - Ottawa New Testament Penteteuch and Psalms 18741 Ningenuhnaumdoomah Jehovah kenoondahgoozeyaun: kenoondahgoozeyaun ningeähnuhmeätuhwah Jehovah. 2 Ningewahbundahah nindoojahnemanduhmoowin: kuhya ningewahweenduhmoowah nekushkanduhmoowin. 3 Uhpe kekushkandung ninjechaug peenjenuh, keen kegekekandaun nemeekaunsim: emuh meekunaung kahduhzhe‐tuhkookeeyaun ningeöoneähmahgoog. 4 Nekechenikaung enahbin; kahween ahweyah nindahyahwahse kakanemid: kahween ningooche nindahyayaunseen kadezhenezhemooyaun: kahween ahweyah oobahmanemahseen ninjechaugwun. 5 Kegenuhnaundoomin Jehovah kuhya ningeëkid: keen kedow azhenezhemooyaun, kuhya nintebenuhwawezewin emuh ooduhkeemewaung egewh bamahdezejig. 6 Bezindun nemissetahgoozewin, ahpeche mah neshahgweweëgoo: metahgwanemooweshin egewh majedoodahwejig: nahwuj mah mushkahwezewug dush ween neen. 7 Sahgejeweezh ninjechaug oonje kebahquahoode‐weguhmigoong cheöonjemahmooyahwahganduhmaun kedezhenekahzoowin: ningahkewetahkah-bahwetahgoog egewh quayukwahdezejig uhpe keshahwanemeyun. |
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
Canadian Bible Society