PSALMS 141 - Ottawa New Testament Penteteuch and Psalms 1874

¹ Jehovah kenuhnaundoomin waweeb penaunzekahweshin: bezindun nindinwawin uhpe anuhmeätoonaunin.

² Debishkoo menoo‐mahgoojeguning kegahuhyenandaun nindahnuhmeäwin: ewh nindoombeneenjewin debishkoo oonahgooshe‐sahsahgewejeguning.

³ O Jehovah guhnuhwandun nindoon: ahkahwahbundun nindoon debishkoo ishquaundaming.

⁴ Kagoo ezhedaäëshekan chewemujje‐ezhechegayaun, gamuh cheweedookahwugwah maje‐ezhechegajig enenewug; kahween nindahmeejeseen wanesheshinenig oomeejimemewaun.

⁵ Mahnoo ningahpuhkittaöok owh manoo‐ezhewabezid kuhya ningahpuhzhunzhaïk emuh shahwanjegawining: kuhya mahnoo ningahnuhneebikeemik, debishkoo pemedang ningahuhyenandaun kuhween ningahshahshahgoondebashkahgooseen: pooch ningahahnuhmeätuhmahwaug uhpe ahyahnemezewahjin.

⁶ Niswabenegahzoowun emuh ahsinekaung enewh ootebahkoonegah‐wenenemewaun: medush noonduhmoowaud nindekedoowinun, wishkoobunoomahgudoon mah.

⁷ Suhswawabenegahdanoon nekunenaunin emuh ashquaundamewung chebaguhmig: debishkoo uhpe ahweyah manesad oomah uhkeeng.

⁸ Keguhnuhwahbuhmin dush Jehovah Tabaningayun: kedahpanemin suh, kagoo sahgejewabenahkan ningechaug.

⁹ Bemahjeëshin oonje keähtoowaud nuhgwahgun un chenahgwahzhewaud: kuhya oonje oodussoonah-gunewaung egewh mahkindungig mujje‐uhyeëewish.

¹⁰ Mahnoo egewh maje‐ezhewabezejig tahpeendahahsoowug emuh tebenuhwa oodahsubewaung: magwah neen kediskeëgooyaun.