PSALMS 140 - Ottawa New Testament Penteteuch and Psalms 1874

¹ Metahgwanemooweshin, O Jehovah, owh maje‐ezhewabezid enene; kuhya guhnuhwanemeshin oonje owh buhyahpenoodahgad enene.

² Egewh nahyahnahgahdahwandungig mujje‐nahnahgahdahwanduhmoowinun emuh oodaëwaung: ahpena mahoonjeëdewug cheöondoobunewaud.

³ Oogekeenahbootoonahwah oodanuhnewewaun debishkoo mujje‐kenabigoong: kenabegoo‐mujje‐mushkeeke emuh oodoonewaung duhgoomahgud.

⁴ Guhnuhwanemeshin oonje ooneenjewaun egewh maje‐ezhewabezejig: metahgwanemooweshin owh maje‐doodahgad enene owh anandung chenishwuhnahjetood nindezhahwinun.

⁵ Kachetwahwanemoojig oogekahdoonahwah nuhgwahgun wenuhgwahzhewaud: kuhya ahsubaubeen mahyahwekunah cheneshewaud.

⁶ Oo‐oo suh ningeënah Jehovah, Nekesha‐Muhnedoom kedow: bezindun nindahnuhmeätahgoozewin, O Jehovah.

⁷ Jehovah Tabaningayun keen mashkahwezeyun bamahjeëwayun: kegeüngwahnahaun nishtequaun uhpe mahgahding.

⁸ Kagoo doodahwahkan egewh maje‐ezhewabezejig azhenundoodahmookwah: kagoo weedookahwahkan wemujje‐ezhechegawaud, koonemah tahishpanindezoowug.

⁹ Emuh ooshtequaunewaung egewh kawetah‐kahbahwetahwejig: mahnoo tahduhgoomahgudene tebenuhwa oomujje‐kezhwawinewaun.

¹⁰ Mishkookunzhan tahpungesinoon emuh ooweyowewaung, tahahpuggenahwug emuh ishkootang: emuh akoo‐demeeg, menuhwah chemookesigwah.

¹¹ Maje‐kezhwad kahween tahminwuhbese oomah uhkeeng: owh maje‐doodahgad enene uhpena oogahnoopenuhnegoon mujje‐uhyeewish chekoopujjeëgood.

¹² Nekekandaun, Jehovah kagate weweedookahwaud enewh quattuggetoonejin: kuhya ooguhnoodahmahwaun enewh katemahgezenejin.

¹³ Ahbetakummig egewh quayukwahdezejig oogahwahwezhandahnahwah kedezhenekahzoowin: egewh manoo‐ezhewabezejig tahnuhmuhduhbewug emuh anahsuhmeyun.