PSALMS 14 - Ottawa New Testament Penteteuch and Psalms 18741 Owh kakebahdezid enene keëkedoo emuh oodaïng: Kahween ahweyah Kesha‐Muhnedoo. 2 Nishwahnahdezewug kuhya kuhgwahnesuggandahgoozewug emuh oodezhechegawinewaung: kahween ahweyah ahyahse manoo‐ezhechegad, kah kuhnuhga pazhig. 3 Ishpeming suh keöonzabbe Jehovah chewahbuhmaud enewh enenewun: chekekandung kishpin ahweyah wahnesittootumoogwan gamuh wahnundoonaähgwan Kesha‐Muhnedoon. 4 Kuhkenuh suh kepuhkatahwug: ahpeche pegishkunnewug: kahween ahweyah ahyahse manoo‐ezhechegad, kah kuhnuhga pazhig. 5 Kah nuh gagoo ookekanduhsenahwah, egewh maje‐ezhechegajig ookedaumwahwaun nindahnishenahbamaun debishkoo buhquazheguning: kah dush oodahnuhmeätuhwahsewaun Jehovahun? 6 Kekeche‐sagezewug ewede: Kesha‐Muhnedoo mah ooweedookahwaun enewh quuhyuk azhewabezenejin. 7 Kenuhwah dush ween kegebahpeähwaug egewh katemahgezejig anahkoonegawaud: oonje ahpanemaud Jehovahun. 8 Ahwanan kabemahjeäud Israelun oonje Zioning? Uhpe Jehovah kekewanahzhahwaud enewh ahnishenahban kabahquahegahzoonejin: me uhpe chemoojegezid Jacob kuhya cheminwandung Israel. |
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
Canadian Bible Society