PSALMS 139 - Ottawa New Testament Penteteuch and Psalms 1874

¹ Jehovah kegekuhgwajewh kuhya kekekanim: kekekandaun nenuhmuhduhbewin kuhya nepuhsegwewin: wahsuh kedoonjenesittootaunun nenahnahgahdahwanduhmoowinun.

² Kekewetah — kahbahwetaunun nebemoosawin kuhya nekuhwishemoowin: kuhya kequuhyukwandaunun kuhkenuh nindezhewabezewinun.

³ Kah mah kuhnuhga pazhik ekedoowin emuh nindanuhnewing ahwunsenoon, keen Jehovah kadanduhsewun.

⁴ Nepequunaung kedahyah kuhya kenegaunewh: kuhya ketaungenaun neyow.

⁵ Oonzaum mahmahkahdandahgwud oo‐oo doowah kekanjegawin kahween nindahtakekanduhseen: ahpeche ishpandahgwud kahween nindahtakushketooseen.

⁶ Ahneende kaëzhahyaun chekekanemesig Kejechaug? ahneende kaëzhenezhemooyaun chewahbuhmesewun?

⁷ Kishpin equaundahwayaun ewede ishpeming kezhegoong, ewede keduhniz: kishpin chebahguhmigoong kuhweshemooyaun, ewede kuhya keduhniz.

⁸ Kishpin oodahpenuhmaun kekezhab oooningwegunun: weduhnezeyaun dush ewede wuhyaquaug kechegumme.

⁹ Pooch ewede nindahsahgahbegenegoon keneenj, kuhya nindahahsoonegoon kekecheneenj.

¹⁰ Kishpin ekedooyaun Ningahahgwahnahegoon puhsuhgishkenahmoowin: pooch tabekuk tahwahsayahmahgud anduhzhe‐ahyahyaun.

¹¹ Pooch kashketebekuk kahween kushketebekussenoon anahsuhmeyun: tabekuk dush wahsayahmahgud debishkoo kezheguk: debishkoo keduhyenandaunun tebik kuhya kezhig.

¹² Keen mah kedebandaunun peenjenuh neyowing atagin: keen kegeguhnuhwanim pooch emuh ninguh oomesudaung.

¹³ Kegahmahmooyahwahmin oonje kootahmegwuk kuhya mahmaundahwuk nindoozheëgoowin: mahmaundahwudoon kedahnookewinun, me azhekekanjegad ninjechaug.

¹⁴ Kahween kegeöonanduhseen neyow uhpe keoozheëgooyaun emuh keemoodezewining: uhpe kekezheëgooyaun emuh akoo‐keemooduk uhkeeng.

¹⁵ Kegewahbundaun neyow chepwah keöozhechegahdag: kuhya emuh kemuzzeneëguning kuhkenuh keöozhebeëgahdanoon nepuhkawezewinun kuhya nekezhegudoomun chepwah ahyahmahguk.

¹⁶ Nekechetwahwandaunun kenahnahgahdahwanduhmoowinun, O Kesha‐Muhnedoo: kagate kechebahtuhyeëïnudoon.

¹⁷ Kishpin wahahginduhmaunbaun, debishkoo ashenuk nagow eshenudoon; uhpe quashkooseyaun kayahbe keweejewin.

¹⁸ Ahbetakummig, O Kesha‐Muhnedoo kegahnesaug egewh maje‐ezhewabezejig enenewug: nuhguhzheshig kenuhwah nashewashkeyag.

¹⁹ Emuh mujje‐ezhewabezewining kemujje‐duhzhemegoog: kuhya egewh shaunganemikig wuhnishquauj oowahweendahnahwah kedezhenekahzoowin.

²⁰ Kah nuh ween ningahsheenganemahseeg egewh shaunganemikig: kah nuh ween ningahkuhgwahnesugganemahseeg egewh mahgahnikig?

²¹ Ahpeche suh nesheenganemaug: kuhya nemegahnaug.

²² Kuhgwajeëshin, O Kesha‐Muhnedoo, kuhya nundahkekandun ninda: kuhgwajeëshin kuhya nindahkekandun nenahnahgahdahwanduhmoowinun.

²³ Wahbuhmeshin kishpin kakishkahmoowaunan gagoo mujje‐ezhewabezewin: kuhya suhgahbegeneshin emuh kahgega meekunaung.