PSALMS 137 - Ottawa New Testament Penteteuch and Psalms 1874

¹ Chegeseebe ewede Babyloning ningenuhmuhduhbemin kuhya ningemuhwemin: oonjekemequanemegooyun keen Zion.

² Emuh oosissegoobemeeshing ewede: ningeähgoodoonaunin nemuhtwawajegunenaunin.

³ Ewede mah ningeëgoonahnig egewh kahmahjenahzhahooyummingejig chenuhguhmooyaung: kuhya egewh kahmahmauzheyummingejig ningeëgoonahnig chemoojegezeyaung oo‐oo keëzheyummingidwah nuhguhmootahmahweshenaum pazhig Zioning duhzhe nuhguhmoowin.

⁴ Ahneen kaëzhenuhguhmooyaung, Jehovah oonuhguhmoowin emuh mahyug‐uhkeeng.

⁵ Kishpin wuhnanemenaun, O Jerusalem: mahnoo‐nekechenik oogahwuhnandaun oonebwahkahwin.

⁶ Mahnoo nindanuhnewh tahgookamahgud emuh nenahgushkoong kishpin mequanemesenoowaun: kishpin ahwahshema sahgetoosewaun Jerusalem dush ween ewh kache‐moojegezetuhmaun.

⁷ O Jehovah mequanim Edom oonejahnesun kahezhewabezenid ewh kezheguk kebahnahjechegahdag Jerusalem, oo‐oo keëkedoowaud: bahnahjetooyook, ahpeche bahnahjetooyook.

⁸ O keen wadahnesemik Babylon kabahnahdezeyun: tahshahwandahgooze owh kadoodook nahsaub kahdoodahweyaung.

⁹ Shahwandahgooze owh kaöodahpenaud kedahbenoojeëmun: kaähpuggenaud edush emuh ahsineeng.