PSALMS 135 - Ottawa New Testament Penteteuch and Psalms 1874

¹ Hallelujah. Wahwezhanduhmook oodezhenekahzoowin owh Jehovah: wahwezhanduhmook kenuhwah bameetahwag Jehovah.

² Kenuhwah nahbahweyag emuh oowegewauming Jehovah: emuh ookechetwah‐weguhmigoong Kekesha‐Muhnedoomenaan.

³ Wahwezhanemik Jehovah, shahwanjega mah Jehovah: muhtwawachegayook oonje oodezhenekahzoowin, minwandahgwud mah.

⁴ Jehovah mah oogewahwanahbuhmaun Jacobun ween tebenuhwa chedebanemaud enewh: kuhya Israelun ahpechetebanemaud enewh.

⁵ Nekekandaun mah chekeche‐ahpetandahgoozid Jehovah: kuhya Kekesha‐Muhnedoomenaun ahwahshema keche‐ahpetandahgooze dush ween kuhkenuh muhnedoog.

⁶ Kuhkenuh menik anandung Jehovah ezhechega: ewede kezhigoong kuhya oomah uhkeeng kuhya kechegummeeng kuhya akoo‐demeeg.

⁷ Mesuh owh wanjeöombahbuhtag anegookwaug uhkee, kuhya wanjeähnemekeekaug mahmahwe kemewung: oodahtahsoo‐weguhmigoong oodoondenaun noodin.

⁸ Mesuh owh kahpukkedaäud enewh natumoozhaunun emuh Egypting: enenewun kuhya ahwahkaunun.

⁹ Oogepuggedenaunun kekenoowahjechegunun kuhya mahmaundahwechegunun emuh nahwuhyeeeng keen, O Egypt: emuh ooweyowewaung Pharoah, kuhya kuhkenuh oobuhmeetahgunun.

¹⁰ Oogepukkedawaun nebewah pukkaun azheweenzoonejin ahnishenahban: kuhya oogenesaun mashkahwezenejin keche‐oogemaun.

¹¹ Sihonun enewh oodoogemahmewaun egewh Amoritug, kuhya Og Bashaning duhzhe oogemaun: kuhya kuhkenuh Canaaning duhzhe oogemahwewinun.

¹² Kuhya oogemeegewan ooduhkeemewaun: oodahnishenahbamun Israel cheähpeche‐debanduhmenid.

¹³ Jehovah kedezhenekahzoowin kahgenig duhgoomahgud: kuhya kemequanemegoowin kahgenig uhpena kahgenig tahahyahmahgud.

¹⁴ Jehovah mah oogahtebahkoonaun enewh oodahnishenahbamun: kuhya tahaunuhwanindezoo oonje enewh oobuhmeetahgunun.

¹⁵ Oomuzzenejegunewaun egewh anuhmeähsegoog ahnishenahbag shooneyahwewun kuhya Oozahwah‐shooneyahwewun: oogeöozheëgoowaun enewh enenewun.

¹⁶ Oodoonewug kah dush kekedoosewug: oozhkinzhegoomewug kah dush wahbesewug.

¹⁷ Oootahwugahwug kah dush noonduhsewug: kah kuhya nasasewug oonje oodoonewaung.

¹⁸ Mesuh nahsaub azhewabezewaud egewh wazheähjig enewh: kuhya kuhkenuh egewh apanemahjig.

¹⁹ Mahmooyahwahmik Jehovah, O kenuhwah wanejahnesemenag Israel: mahmooyahwahmik kenuhwah wanejaunesemenag Aaron.

²⁰ Mahmooyahwahmik Jehovah kenuhwah wanejahnesemenag Levi; kenuhwah quasag Jehovah mahmooyahwahmik Jehovah.

²¹ Tahmahmooyahwahmah Jehovah oonje Zioning: owh wahdatood ewede Jerusaleming. Hallelujah.