PSALMS 132 - Ottawa New Testament Penteteuch and Psalms 1874

¹ Jehovah, mequanim David: kuhya kuhkenuh ookooduggezewinun.

² Keduhgoowenaud Jehovahun: kemushkahwewahweenduhmoowaud Kache‐peenezenejin ooKesha‐Muhnedoomun owh Jacob.

³ Kahween ningahpeendegase emuh newegewauming andahyaun: kah kuhya ningahkuhwishemoose emuh nenebahguning anduhzhe‐nebahyaun.

⁴ Kahween ningahpuggedenunseenun nishkeenzhegoon chenebahmahguk: gamuh nesebingwaüg cheähsingwuhmoowaud.

⁵ Nahnauzh mekuhmaun kaähtanig oodahnuhmeä‐weguhmigoom owh Jehovah; kadahnid mashkahwezenejin ooKesha‐Muhnedoomun owh Jacob.

⁶ Benuh ningenoondahmin ewede Ephratahing: ningemekaunaun ewede metigwuhkeeng duhzhe ketegauning.

⁷ Umba ezhahdah ewede andaud: shahgushketahwahdah emuh oodahpesedabewining.

⁸ Puhsegween Jehovah, ezhaun emuh kaduhzhe‐aunwabeyun: keen kuhya ewh kechetwah mukkuk, anduhgoomahguk kemushkahwezewin.

⁹ Mahnoo kesahsahgewejega‐wenenemug tahpesekoonuhyawug quuhyukwahdezewin: kuhya tahkeche‐nuhguhmoowug egewh anuhmeätookig.

¹⁰ Oonje kebuhmeetahgun David: kagoo wabenahkan owh kahnuhmuhkoonud.

¹¹ Jehovah oogemushkahwe‐wahweendahmahwaun Davidun emuh dabwawining: kuhnuhga cheweähnuhwanjegasig: ningahahsah emuh kedoogemah‐wuhbewining pazhig keyowing kaöonjenegid.

¹² Kishpin kegwissug guhnuhwanduhmoowaud newahweendahmahgawin kuhya nedebahjemoowinun kakekenooähmahwugwah: kuhya wenuhwah oogwissewaun kahgenig tahnuhmuhduhbewun emuh kedoogemah‐wuhbewining.

¹³ Jehovah mah oogewahwanahbundaun Zion: oogenundahwandaun ewede chedaud.

¹⁴ Mesuh oomah kaäunwabeyaun kahgenig: oomah ningahdah oonje kenunduhwandunhmaun.

¹⁵ Ningahmuhshenetoon oomeejim, ningahshahwandaun suh: ningahtabeäug egewh katemahgezejig buhquazhegun.

¹⁶ Ningahmuhdindahmahwaug enewh oosahsahgewejega‐wenenemun ewh bemahjeëwawin: kuhya anuhmeähjig tahsahsahquawug, oonje moojegezewaud.

¹⁷ Ningahezhetoon oodashkun owh David chesahgebugahmahgudenig: ningeöozhetoomahwah owh kahnuhmuhkoonug ewh wahsuhkoonanjegun.

¹⁸ Ningahahgweäag enewh shaunganemegoojin ewh ahgujjewin: tahminwahbuhmenahgwudene dush ween oodoogemah‐wewuhquaun.