PSALMS 124 - Ottawa New Testament Penteteuch and Psalms 18741 Kishpin keweedookahwesewungidebun Jehovah: noongoom tahekekedoo Israel. 2 Kishpin keweedookahwesewungidebun Jehovah: uhpe kepuhsegwewaud enenewug wemegahzheyumingidwah. 3 Kedahgekedaumoogoonahnig magwah bemahzeyaung: apeech kenishkanemenungwah. 4 Kedahgewabahboogoonaun ewh nebee: kuhya oogejeühyeeng tahgepemejewun anduhzhe ahyahwaud kejechaugoonahnig. 5 Kedahgemooshkahoogoonaun: ooseebemewaun egewh mamenahdezejig. 6 Tahmahmooyahwahmah Jehovah oonje kepuggedenesenoowung, chebahnahjeëgooyungoobun enewh webittahwaun. 7 Keshahbweäh kejechaugoonaun oonje oonungwahgunewaung egewh kaöosajig: ewh nuhgwahgun pegoobejegahda kuhya kenuhwind kegekediskeegoonaun. 8 Kedahpanemoonaun oodezhenekahzoowin owh Jehovah: kahoozhetood keezhig kuhya uhkee. |
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
Canadian Bible Society