PSALMS 12 - Ottawa New Testament Penteteuch and Psalms 18741 Pewedookahzoon, O Jehovah, ahzhegwah ishquahahyahwug egewh manooëzhewabezejig enenewug: kechahgenawug egewh duhyabwayandungig anduhzhe ahyahwaud enene oonejahnesun. 2 Kuhkebahje‐kezhwawug uhpe ganoonahwahjin weejduhnuhkeewamahgunewaun: kuhkenuhwishkemahgudene oodoonewaun, kuhya nezhenenewun oodaëwaun azhekekedoowaud. 3 Owh Jehovah oogahbahnahjetoonun enewh kakenewishkemahgukkin oodoonemaun, kuhya oodanuhnewhemah manahdanemoomahguk emuh kekedoowining. 4 Oo‐oo kahekedoowaud, Nindanuhnewhenahnin ningahkoopujjeëwamin: tabenuhwa nindoonenaunin netebandahnahnin: ahwanan Tabanemeyungid? 5 Apeech kootuggeïndwah egewh katemahgezejig, apeech mahmahpenawaud egewh manazejig, ninduhwauj ningahoonjepuhsegwe, ekedoo owh Jehovah ningahmetahgwanemoowah enewh buhyahpeëgoojin. 6 Peenudenewun Jehovah oodekedoowinun debishkoo azhekekanjegahdag ewh shooneyah emuh uhkeewine ningahpekezeguning neeshwahjeeng kahningetag. 7 Kegahguhnuhwanemaug: kegahbemahjeäug noongoom kuhya kahgenig menik kaähneka‐bemahdezewaud. 8 Kewetuhyeëe bemoosawug egewh maje‐ezhewabezejig uhpe kagwahnesuhgandahgoozejig enene-weshug kechetwahweïndwah. |
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
Canadian Bible Society